照不盡菱花鏡裡形容瘦

                     昨日朋友話冇見我十幾日,瘦左好多,頭髮又太長了,是否想學後生時留長頭髮喎,哈!真係識講笑,幾十歲人,頭髮長少少都已經頂唔順啦,都打算今個星期去剪囉.....不過大家講開頭髮,老朋不其然又提起十幾二十年前的往事....佢提起當年佢識得一條友仔D野,雖然我都聽過佢老友的傳聞,不過我就未見過真人囉.....傳聞係咁既:話說當年條友唔知咩事留左個佢認為幾有型既髮型,好似話後面短而碎尾,前面頭髮長到下爬,重要削到有D薄,髮腳碎砰地,又成唔知幾多度角咁斜斜地向耳邊但又睇到半隻耳仔....重之係低低地頭就睇唔到大半邊面,而平時都只係睇到三分一面同只睇到一隻眼果種囉,重要係金紅色頭髮果下先攞命,真係諗起都有D不男不女的感覺,不過十幾二十歲的青少年,都係咁上下家啦.....不過聽聞條友又唔算好靚仔,只係有D眉清目秀,而眉宇之間帶點英氣,隱藏住智慧的雙眼又時刻都帶著一茱柔情,經常微笑的嘴角配合那野性的嘴唇,不經意地會令人勾起內心的原始慾念,不達標的身高也難掩其飛揚灑脫而略帶不羈的外表,幾可比美"旺角卡門"中的"華仔",由其那抽著香煙,在遊戲機室內專注打機的樣子,配合那昏暗燈光和煙霧迷漫的環境,其迷人側面更勝"2046"戲中"偉仔"那攞金象獎的背影,佢那深沉而磁性又帶點情感的聲線,唱起歌來就難聽過"歌神學友",但那沖滿豐富感情的唱腔,就像對情人的連綿私語,令不少少女有擁抱他的沖動,去感受他那纏綿的愛意,有幾多少女會為他傾心?有幾多少女會為他迷醉?又有幾多少女曾為他落淚?....我當然唔知啦!因為我都唔識佢.但如果話佢風摩萬千就真係吹大左少少,不過聽說佢走左鬧市人群中,雖不做作但總是散發出自然的魅力,總有女士會多看他兩眼,又總會有少女羞答答地偷望他...還有就是.....我都忘記了,始終也不是什麼出奇的事,而且也只是傳聞罷了....傳聞呢D野,唔好信十足,但空穴來風,信3,4成好啦.更何況十年一覺楊洲夢.....條友家下未死都就快四十幾啦,而且聽聞佢家下重係一事無成,家逃四壁,近年重玩失業,終日係家中炒股為樂,但又賺唔到錢,憂心忡忡,風塵僕僕,未到四十已兩鬢花白,重同人講話係係髮廊HIGE拉左白色喎....不過我都唔想深究,反正我都唔識佢,加上都只係----傳聞啫.

                   說回正題吧,呢幾日小弟的確清感了少許.原因是近十幾天都在想自己的投機策略,尋找自己的錯處,經過數日的反思和睇返今年的買賣記錄,發現有很多問題,而最嚴重的錯處有幾方面....第一大錯是我犯了投機的大記,就係唔應該重倉,知道投機的股友都會清楚,投機客係應該長期保持空倉的,原因太多冇必要講,最重要係引申出太多問題出現....經過我的點算,其實今個月有可能唔駛輸錢,一來我睇錯市而錯失高位獲少利的機會,由原本月初可以賺5千幾變成家下輸7千,呢點我唔會怪自己,因為短線睇錯唔出奇,但可恨的是策略上完全錯誤....如果有睇開小弟一段時間的股友都知道,我經常都會作出超短炒的策略,但買賣太多經常性支出就會大而導至毛利受壓,所以今年都己盡量短線,放棄超短,呢個策略係今年頭升市都好正確,但對於跌市唔合格,因為市況以向下為主,炒賣時應用超短炒策略博取少利為主,但就錯誤地用短線策略,持貨太久,止賺位定得太高,而止蝕位定得太低,錯失多次可獲少利的機會,睇唔起果區區幾百元利潤,需知道聚沙成峇,由其輸錢中,賺少左又輸多左,激死!....另外由於滿倉關係,令到我多次睇中機會都不能出手,而資金緊絕又令我左搖右擺,走來走去,原地踏步,又走失了一些機會....其實重有好多問題,但最迫切要解決的問題就係要盡量空倉....當時,要完成空倉是沒可能,因為長倉的都是大蟹貨,而且買時係用年計的策略,加上絕大部分都係高消股,米當做定期可以不理,問題最大的是短倉....有些高位買落的要返家鄉就比較困難,唔講883同1198,單係果7手短線的2357就已令我頭痛,平均價要成$3.73,短期要見價比較難D,希望呢轉反彈可以彈高D清倉,盡量保持20個現金係手,重整投資策略,睇下用新的方法會唔會有得著.


14:24    沽出688    $16.18    X    2000



投資冇必贏,只求勝算高!
目前持股:3988,2357,1198,883,81,3333

(2011年7月25日開倉,目的只為自娛,絕無推介成份,非誠勿擾!)

十五萬元投機倉 開倉恆生指數:22445						1月$40000
股票代號	買入價	買入股數	沽出價	沽出股數	盈/虧	投資金額
(10/8)1198	2.71	2000				5420
2357	4.06	12000				49020
1198	3.515	8000				28320
(22/5)1198	1.991	1250
(24/4)81	9.22	1000				9270
(10/5)688	16.06	2000	16.18	2000	+100
(3/5)81	10.14	1000				10240

(24/5)3333	3.84	5000				19300
					總投金額$	132610
					可用結餘$	45640