SELL IN MAY!是危還是機??

                   由四月尾己開始有人講SELL IN MAY.....到左五月頭就更加多人擔心五月會跌.....但有經驗的股民都會經常察覺到,往往最多人以為會發生既野,但係股票市場就好多時都唔會發生....所以用逆向思維黎諗,五月跌既機會可能係35%左右,原因係我估如果人人都5月沽貨,咁D貨邊個接??咁米要跌2,3千點??目前又睇唔到有咩原因會跌咁多囉....而從大戶的一向做法,當有好多人都覺得恆指21800係升唔破的時候,咁即係大戶搵到對手,咁升破21800既機會應該都有65%,問題只係現時有幾多散戶睇淡,大戶個倉夠貨未??.....而21800一挾穿就會出現急升,升幾多就要睇到時有幾多基金追貨同淡友投唔投降啦.....當然!呢下只係一些猜測,到時係點冇人知,真係要到時先算,不過有個期望,總好過一D方向都冇.....對與錯都應該要有一個方向的.....

                    如果睇圖表,恆指由2月至4月呢3個月都係係1700點上下走動,無論係升係跌,五月份都有好大機會會走出困局.....從型態看,恆指1月突破大型雙底後,4月已下試頸線不破,有理由想信已完成後抽,波浪中也有可能開始運行第5浪,而2條平均線也快將從上50天線之上,之前的跌破可確應為假跌破的走勢陷阱.....不過都要等真正升穿21800時才可確定,而目前睇升破的機會都有65%.....信不信就由你啦.

                    以上係上星期打好的文章,由於有臨事要加插其他野,所以今個星期先出.....明顯打呢篇野時股市未急跌,但....我又唔覺得有需要改變睇法,如果幾日的走勢就要對後市改觀,咁米要成日改觀?!....趨勢不是一兩天形成的.....當然!睇法就係咁睇,投資時都要明白自己係中線定短炒,短炒就用短炒入市的操作,自己定左止蝕位就要睇著,千其唔好短炒變長線,呢點已多次指出.....然而!要挾穿21800就一定要有好消息,係好消息未出現前,港股都應該係為持係20000~21800之間炒波幅....由於國內一直都未減RRR,權重股內銀又比人減持,加上希臘又攪亂局勢,所以港股就比人震左落黎,但也可能比機會大戶搵到對手和入貨....所以只要唔跌穿19800~19600呢個頸線區域,對後市睇法都唔會變著...而由於5月頭已急跌,唔排除係先低後高的走勢,掃除破頂的阻力.....現目前市場最擔心的是希臘會破產,但如希臘D人有少少正常,都唔會真係想退出歐元區,除非佢地想今後被邊緣化啦.

                    最近有D不明來歷的人係小弟呢處打D類似廣告的字樣,原本有朋友比面係我呢個主要係小弟自言自語,又冇咩人睇既BLOG打下廣告,其實係非常比面小弟,奈何D廣告有D似騙亞婆錢的跌錢黨,所以我都無奈地狠心刪除.....雖然睇小弟BLOG的股友只係十個八個,但個個都係萬中選一既精英中既精英(應該),男既個個風神俊朗,貌勝潘安,智比孔明(我諗)....女既更係件件風華絕代,唔係有沉魚落雁之容,就係有閉月羞花之貌,冰雪聰明更不在話下(我估).....就絕對唔會中呢D跌錢奸計既,但係攪寸呢度就唔係咁好啦,因此希望某位老友唔好再係度打D無聊野啦.


14:41   止蝕2318     $59.8   X    500    -$2040


投資冇必贏,只求勝算高!
目前持股:3988,2357,1198,883,81,179,688,175

(2011年7月25日開倉,目的只為自娛,絕無推介成份,非誠勿擾!)

十五萬元投機倉 開倉恆生指數:22445						1月$40000
股票代號	買入價	買入股數	沽出價	沽出股數	盈/虧	投資金額
(10/8)1198	2.71	2000				5420
2357	4.06	12000				49020
1198	3.515	8000				28320
(3/5)81	10.14	1000				10240
(24/4)81	9.22	1000				9270
(10/5)688	16.06	2000				32260
(11/5)175	2.81	5000				14150
(9/5)179	4.81	5000				24170

					總投金額$	183890
					可用結餘$	-3770