他媽的Q版特工

恆指收20741,輕微下跌68點,結算後急震落20648,成交也放大左D,還只是5,6百點震盪,但波幅有擴大績像,由於還是大區間的偏強位置收,上穿21000機會還是比較大.

   小兒今天突然同我講,話佢想買一本"Q版特工"的小說....一直以來,我都鼓勵小兒閱讀,那是由於佢中文老師話佢寫作比較差,而佢一直以黎都只係睇D自然科學既書,無疑對知識方面有幫助,但對寫作就幫助唔大,於是我叫佢攞我書架上的小說睇.....我記得我睇第一本小說係"神鵰俠侶",因為當年我四年級時,迷上了"華仔"果部電視,由其覺得小龍女"陳玉蓮"真的非常出塵,深深著迷(後來翁美玲又吸引左我睇"射鵰"),於是叫媽子買左比我睇.....但今時今日,由於我唔比小兒睇電視,SO~佢無法提起性趣睇小說,最終我由"衛斯理"的科幻小說落手,唔~佢果然中招,可惜比媽子調左我幾十本,所以佢好快睇完....之後死都話佢想睇"楚留香"(佢話佢聽過呢個名喎),但由於古龍條友有D咸咸地,所以我死都唔比佢睇,最近佢終於比我老點左佢睇左部"笑傲江湖",好彩佢都話好睇,這是我樂意見到的,正當我想叫佢睇"射鵰"三部曲時,佢話佢班上D同學好多都睇"Q版特工"所以佢都想買本,我見出版社係"突破",而以我記憶"突破"專出D青少年睇既書,應該都冇咩問題,但問題係要成$55本,有冇攪錯???得個一百張紙都冇,一版得果幾行字,又冇圖片,竟然要成$55蚊??!!....實在太暴利啦,我睇返我剩餘果幾本"衛斯理",先至$25蚊,都有超過一百張紙啦,而且內容同寫作技巧好好多啦,相比起"Q版"D情節真係差太遠啦,咁貴都話好多人買喎~~天啊~~我細個果D"金庸"小說都只係$15蚊,重要好厚好厚下,字又多,一本睇幾日啦....家下本"Q版"睇左3個鍾....都唔知有冇,就要$55蚊,跟住重叫我買多幾本...天啊!~叫D家長點買得落手呢??由其我呢D窮爸爸啊~~重要我覺得唔係幾好睇添~~家下點算好....嗚..



投資冇必贏,只求勝算高!
目前持股:3988,2357,1198,883,868,81

(2011年7月25日開倉,目的只為自娛,絕無推介成份,非誠勿擾!)

十五萬元投機倉 開倉恆生指數:22445						1月$40000
股票代號	買入價	買入股數	沽出價	沽出股數	盈/虧	投資金額
(10/8)1198	2.71	2000				5420
2357	4.06	12000				49020
1198	3.515	8000				28320
(24/4)81	9.22	1000				9270
(16/4)883	15.7	1000				15770
(27/4)868	4.98	2000				10040
(18/4)868	4.895	4000				19720
					總投金額$	138560
					可用結餘$	33010