未曾酒醉已清醒

   夜~微雨,無睡意,但帶點醉意......剛和一位相識30年,但已很少見面的朋友吹了一會水,但就有點不歡而散....對於呢位老友,我一直對佢的感覺都係白首如新....可能條友飲多左,講野有D語無倫次,但所謂酒醉三分醒,我最憎人借醉行兇的.....

   一直以來,我都覺得炒股票唔係咩特別事情,又唔係D咩不正當職業,更不是不務正業的人,真係唔明點解有人以為炒股就好似賭徒呢?....條友都唔係第一次問我,叫我有工開唔開,我以講過唔只一次,家下我好鍾意投資,唔想出黎做住....可能條友仔出於好心,出言相勸,但講野就有D令人火起....成日以為炒股唔可以當飯食,遲早輸光輸淨云云,聽講佢有位老友以前攞住30個學人炒股,最後輸剩唔知幾多,又以為佢位老友醒我好很多啩....對於呢D唔係股場人事,對股票可以話係完成不董的人,同佢講多我都覺得有少少傻,更何況有D人自視過高,總是認為自己的見解獨到,別人什麼都不董的人,其實別人董得比佢多,唔出聲只係有D人覺得教佢都冇X用,平時就由他自以為事罷了.

   其實投資股票都只係一門生意,只不過係自己一個係屋企做,而唔係係公開場合啫!點解會有咁多人有偏見呢?說穿了其實就係有太多人唔明白股票的真正作用.....理論上,投資股票就好似同人合夥攪生意咁啫,如果公司賺錢,咁理論上買入它的股票就一定會賺錢,只係時間同多少的問題吧了,咁買股票理應係一門好正當的生意至係嫁,點解比人有賭博的慨念呢??原因可能係有太多人錯誤咁投資股票,又唔識分辨好與壞,想係短時間獲利,而錯誤咁用黎短線投機,咁經常輸錢米比人感覺係賭錢囉,因為十賭九輸麻.....但輸錢係大多數散戶的結果,所以呢種錯覺相信係永遠都唔會令人改變的,除非你好似巴菲特咁賺咁多錢啦....又除非個個入賭場都賺錢走同何生D賭場輸到收檔啦.

   真係唔明,點解人地係旺角開間檔口,買賣D郵票,公仔,玩具,埃瘋同二手野就係好正當,係屋企炒下股票就唔正常.其實大家都係係度低買高賣賺差價啫,說得清楚D米又係炒?!唯一解釋係D人太蠢囉,比D表面野騙左,只係用眼睇而唔識用腦諗囉,跟本兩者就係冇分別....我已講過,如果用正確方法買股票,理論上賺錢係一件考容易的事,問題只係時間同賺多賺少既問題,最重要係心理既問題囉.

   其實股票都有佢既合理價值,在正常情況下,股價係唔應該偏離合理值的.但好不幸地,由於股票係公開買賣,而買賣既人都有唔同的心理,而心理係包括貪婪,恐懼和多方面的因素影響,令到人們很多時會作出不理性的行為,而度至股票價值大多數都處於不合理的價格.....唔係偏高就係偏低,令到董得股票真理的投資人有幸地可以經常低買高賣賺錢.....世上冇人係可以經常係最低位買股票而係最高位沽出,唔識分辨股價平定貴的人,就算比你係比較低的價位買入股票,又會因心理的恐懼而係更加低的價位沽出股票而輸錢,所以董得股票的投資人知道股票已處於不合理時就會作出買賣,持有至再一次的不合理而輕鬆地賺錢囉.....老朋友,清醒點兒看清這個世界吧!不要太無知了!


10:11    加注868   $5.04    一手


公佈業績:  本人欣然宣佈4月分業績,環比上月大幅倒退,在減去交易費$1,960元後,除稅後盈利$4,345元,現時流動資產(股票)88%左右,現金12%左右,總負債0%,資產撥備佔總投資17%.

業務回顧:  由於4月分大市波幅極細,主要以調整為主勢,投資機會相對減少,由其主炒的細價股未成氣候,相對地策略要以播種心態對待云云.

業務展望:  由於市場還存有很多的不確定性,本人對於5月分的投資環境持審慎而帶點樂觀,可能係比較困難的時刻,也可能係機遇的時刻,投資策略還是採取較保守態度,但還是會盡量尋找機會,適量的進取....而由於4月主力播種於2357,1198,868呢個鐵3角,SO~5月份單睇呢3隻的表現幾何知道成績了.




投資冇必贏,只求勝算高!
目前持股:3988,2357,1198,883,868,81

(2011年7月25日開倉,目的只為自娛,絕無推介成份,非誠勿擾!)

十五萬元投機倉 開倉恆生指數:22445						1月$40000
股票代號	買入價	買入股數	沽出價	沽出股數	盈/虧	投資金額
(10/8)1198	2.71	2000				5420
2357	4.06	12000				49020
1198	3.515	8000				28320
(24/4)81	9.22	1000				9270
(16/4)883	15.7	1000				15770
(27/4)868	5.01	4000				20180
(18/4)868	4.895	4000				19720
					總投金額$	158740
					可用結餘$	22870