20/80

      近日得聞有位網友有幸去左見金正日,真係不禁心酸!....聽其女兒所說,網友係死得好突然,問其究景,總是支吾以對,只說最近比較勞累,但死得安樂....而以我的理解,通常上左年紀,又周車勞動的老人家,通常都係死於急性心肌梗塞....又以我對佢的了解,佢既死法係同金老弟一樣死於馬上風,所以其女兒才羞於啟齒....但對於XX67或稱CKXX的傳奇一生,老實說!我唔清楚,因我只和他吹過兩咀,但從他的死法,幾可確定他的傳奇一生絕對是可以放上銀幕.....不過就要打些格仔,重要係加厚個隻.免得比人笑佢太咩而名留青屎......

  說回正題,其實我一直都想講時下的20/80,即係20幾歲的80後,無奈本人上樑不正,一事無成,重成日比人話我不務正業,所以我冇本事講......我想講的20/80其實係炒股中的20/80論.....有很多人都知道,20/80其實係指投資時的勝負,主要係取決於20%技術,80%心理,由於小弟最近投資1313和189的錯失,今我耿耿於懷,想來想去,便是輸左心理.....老實講,技術唔難學,好多人都己出神入化,但能賺大錢的沒幾多個%,就係因為心理素質的問題......股場中有很多級數的人,由小散戶至中散大散,小基金經理至中大經理,細大戶至中大大戶,佢地所知的技術可能會好相近,但賺錢的比例就差好遠,除左一些硬件有差異外,最主要的便是心理.....就以基金經理為例,做得佢地個位,唔通技術會屎咩??但佢地都係有D賺到笑死,有D輸到跪地....原因應該係佢地主要係確基金賺錢而收取22%的費用,當基金賺大錢時,佢地一樣賺大錢,但當基金輸錢時,佢地最多米拍下個羅友走人.所以佢地個個心口有個勇字,次次都全力進攻,賺兩三年就收工,咁既心理,唔係贏哂就輸哂嫁啦.....散戶炒的是自己錢,心理上已輸左成條街啦,所以基本上就我所知,靠自身財富投機致巨富的人就冇幾個,就連巴非特同食羅絲都係靠管理基金起家....我有時會諗,如果當年巴非特好似小弟咁冇野做,身家只有十萬八萬,佢會唔會攞哂去買可口可樂,然後坐二,三十年呢??

其實當大家實力同技術都差唔多時,能夠跑出的,更是心理素質好的果D,技術點出神入化都冇用,因為炒股唔同其他尊業技術,只要你讀書醒再加自身努力,原子彈都可能會學識點造,因為整原子彈可以話係100%講技術,但炒股你讀足一世技術分析都冇用,你唔落場炒過都唔知你得唔得,就好似唔知有冇記錯,天才發明家"愛迪生"都幾乎炒股票破產.....當然!心理素質唔單只賺錢時先睇,跌市時一樣重要,好多人升時會畏高,賺少少就走人(我都係)跌時又會唔怕死,最慘有唔認輸的心理,向下溝淡,一Q清袋.....記得以前有D咩炒股模擬比賽,真係個個都勁過食羅絲,有位靚女比賽好似賺左十幾倍奪標,重係報紙寫專欄,不過聽聞佢真係用私己炒時唔係幾得,點解呢??心理唔同囉,呢D米心理壓力影響炒作囉,個個上得電視講得兩咀的股評人,佢地既技術唔會屎得去邊,但米又係長期係電視到開解下D小散戶,又唔見佢地發達??睇20/80的比例就知道,心理對投資的影響大於一切....好多人每當用自己的錢入貨的一刻開始,心理就不停轉變,可以話7情上面,百感交雜,唔係驚升得多會跌,就係驚跌完又再跌,總之就升跌都驚一餐,有咁既情況都好平常,所以好多人都贏唔到錢,要贏錢的就只好盡量減低心理波動同壓力,邊個減得多就邊個贏得多,最好好似基金經理咁,當D錢唔係自己的,咁就有機會賺大錢囉,但相信都係冇咩人可以做到囉,所以如果知道自己只有2,3年命的話,就除時可能投資賺大錢,因為佢已冇咩心理壓力,輸贏都只係一場遊戲....

    唔記得係幾時,我睇報紙見到一位"少年股神",佢好似係剛讀完大學,問屋企人借左二,三十萬買左隻939,又好似賺左二,三百萬,跟住唔知點解又會比傳媒發現,重出左本書添....但之後就一直都冇再聽過佢個名,點解??以小弟推測,第一,佢剛讀完書,錢又唔係自己既,初生之犢,勇字當頭,贏得一次之後,人氣又急升,好易又會一Q清袋,所以家下可能搵緊野做....第二,佢都算醒,唔知第二定第三次輸錢時有做止蝕,同炒左一段時日後開始發覺炒股唔容易,家下重係度學習中....第三,就係佢學識左炒股最高心法----割和青,賺左二,三百萬後就用左係其他地方去也.


09:35    買入883    $15.7    X    2000

10:06    沽914 $25.65 X 500



投資冇必贏,只求勝算高!
目前持股:3988,2357,1198,883,2727,1157,868

(2011年7月25日開倉,目的只為自娛,絕無推介成份,非誠勿擾!)

十五萬元投機倉 開倉恆生指數:22445						1月$40000
股票代號	買入價	買入股數	沽出價	沽出股數	盈/虧	投資金額
(10/8)1198	2.71	2000				5420
2357	4.06	12000				49020
1198	3.515	8000				28320
(10/4)914	26	500	25.65	500	-235
(13/4)868	4.795	4000				19320
(10/4)1157	11.08	1000				11140
(3/4)2727	4.0	4000				16140
(16/4)883	15.7	2000				31540
					總投金額$	161900
					可用結餘$	7755