跳樓潮

   
    今日新地因高層被ICAC請飲COFFEE而大跌,令整個地產板塊都下跌而且拖低大市,唔知有冇股友襯低買佢呢?其實買黎長線投資都應該問題不大,始終佢係全亞洲最大市值的上市地產股,就算真係有咩高層變動,對咁大間公司的運作都唔會有咩長遠影響麻.

  最近多家民企暴跌,相信起源於博士瓜的審計師走人,之後又相計出現類似情況,最慘係即時停牌果下攞命,其中589好彩地係停牌前幾天止蝕左,否則冇事都有排驚,好彩最近我已冇再公開推薦股票,否則突然死亡時,真係唔知點同股友交代,而現時我只會同吹水會的會員談論股票,也只外於會員問起先講一兩句,也沒有推荐個股,不景有咩東瓜豆腐,都同小弟冇關麻,雖然會員同我都幾相熟,但係始終會有壓力麻,害人輸錢自己個心都唔好過啦,所以都係自己買賣就算....如果冇記錯對上一次公開推介個股係年尾的事了,當時因幾個原因而在此推薦1361&1368,其中說明1368會見3元冇問題(當時股價$2.5左右),我當時都有買,但等唔到爆升就走左,如果有買1368的股友就冇咩,但如果因小弟而買1361的就在此說聲抱歉!因我都估唔到佢業績咁差,但當時走勢上1368的確係比1361好,所以我只主力推荐1368....但以目前黎睇,體育股未係時候買.

 月頭曾經係MSN同股友談論過82&67,現在事後孔明,兩股基本上同小弟預計的走勢差唔多,但今天67突然尾市急跳樓就真係估佢唔到,因當時研究過82雖要有較深的回吐一段時間,而67因為一些原因應該未炒完,只係買入時機要睇得準D同小心D啫,而之後又的確再見高位.....但今次的跳樓,真係事前沒有績像,個一刻當然有很多猜測,但晚間佢又出到業績,同話唔知急插原因喎!但如果係股場有D股齡的股友,應該都會感到極大機會係同庄家比人斬倉有關,雖然好少可會係呢D市況出現,但如略知庄家炒賣方法,都應該知道來來去去都係得果一兩個原因,而現時最好少買那些民企股,由其係明顯的庄家股.....講開67,尾市本來都想少注一博反彈,但想起博士瓜的情況,如果急插當日買入跳樓貨,咁家下除時TOTAL LOSS,所以都係算了,令可放過不可死錯....

    又事後孔明,呢隻67其實一直都唔建議炒,記得佢上市初期買過一次,好似係輸左少少,但都一直有留意佢,最記得佢上市唔知有冇半年,就有傳主席將股票抵押比銀行已大跌,當時好似話用資金幫公司收購喎?!搵邊個信?過左一輪又話要攪下新發展,重改左家下好有慨念個名添,你話幾多花神?!可惜比大行篤爆佢同送支大紅旗比佢,最近又想食住國家政策同發盈喜炒上,可惜炒極都炒唔高,你話個庄有幾強?!......不過話分兩頭講,庄家股又的確有佢迷人之處,市場上的確有好多人訓身炒,因為想短線發達,冇庄家股炒又唔得,你有冇聽過有人炒藍籌股發達?!.....風險同回報永遠都係等價交易的~~


公佈業績:  本人欣然宣佈3月分業績,環比上月大幅倒退近50%,在減去交易費$3,300元後,除稅後盈利$16,590元,現時流動資產(股票)80%,現金20%,總負債0%,資產撥備大慨15%.

業務回顧:  由於3月分大市環比下跌,投資風險大增,所以炒賣以極短線為主,賺蝕都以快打慢,而由於炒賣次數增多,營業大增,但經常性支出(交易費)和虧蝕比率也增加(上月0虧損),導致毛利下跌云云.

業務展望:  由於市場的不確定性,本人對於4月分的投資環境未計樂觀,可能係比較困難的時刻,也可能係機遇的時刻,投資策略還是採取較保守態度,盈利也許會再大幅倒退,但還是會盡量尋找機會,適量的進取,保留現金等待可能會出現的機遇云云.


10:18   買入189    $6.97 X 2000

11:19   買入1157   $10.34    X    2000

13:13   沽出1313   $5.78   X    4000 太太太令我失望了,914都走得好過佢...#$%%^&&(

13:36   沽出2238 $7.94   X   2000

14:41   買入688    $14.96    X 2000



投資冇必贏,只求勝算高!
目前持股:3988,2357,1198,883,330,189,1157,688

(2011年7月25日開倉,目的只為自娛和跟老友競賽,絕無推介成份,非誠勿擾!)

十五萬元投機倉 開倉恆生指數:22445						1月$40000
股票代號	買入價	買入股數	沽出價	沽出股數	盈/虧	投資金額
(27/3)1313	5.705	4000	5.78	4000	+150
(19/3)2357	3.92	4000				15780
(25/7)1198	3.58	4000				14420
(1/8)2357	4.60	4000				18500
(28/7)1198	3.45	4000				13900
(27/3)2357	3.66	4000				14740
(29/3)2238	7.37	2000	7.94	2000	+1040
(26/3)330	16.62	1000				16720
(10/8)1198	2.71	2000				5420
(2/4)189	6.97	2000				14040
					總投金額$	113420
					可用結餘$	52840