回首向來蕭瑟處

大市真係弱,跌破一些重要支持,唯成交未放大,而國指比恆指跌得少,表示國指已極超賣,有望出現反彈....最近的跌市有D人話係因為特首選情,假如這是真的,咁理論上無論邊個當選,星期一都應該會出現反彈或開始回升.

  剛手多多計算下個投機倉,發覺以收市價計原來有盈利,真係想唔到,因之前虧損很多呢,而開倉時恆指22445,家下指數還差一成,但個倉已有盈利,起碼冇跑輸大市,都叫對得自己住......而短炒倉已和大跌市前時差不多,看似冇增長,但我每個月都要攞6,7千出黎應付日常開支,即係都重有增長,只係唔多滿意囉....反而長倉就可憐D,因為3988,1198,2357呢幾隻長線貨唔爭氣,所以還要大虧損....唉!不過既然係睇3年以上,唯有等等啦,米當做定期囉.

    再回想之前的得失,的確犯了很多錯....包括錯誤地用體育股來作長線投資,沒有看清行業的劇烈競爭,雖然最後都忍痛割肉,把資金全數換碼至1198,但已虧損了超過30%,當時我用跟情人說分手來形容,可想而知,而現在看來,分手再搵過件應該唔會有錯...但虧損最大百分比的可說是3938,雖然佢曾令我賺一倍,但所謂貪勝不知輸,最後佢令我虧損50%收場,總計3938令我損失2萬元,都算買左個教訓....但最令我感到不值的是38和868,呢兩隻都係脹面有40%利潤時冇走,最後要虧損走人,由大賺變虧損的感覺,令人後悔一萬年,所以之後無論點睇好都要定止賺位,由其散戶對市場的資訊有限......當然!呢D都係唔開心的事,而之前好景時都賺過少少錢,不過好景賺錢唔出奇,要跌市唔輸錢先叫做見得人,這又令我想起偶像的那句話,雖然之前都多次提過,但好句何妨多說---大概意思是"真正係股市能賺錢的人,唔係升市時擁有幾多股票係身,而係跌市時有幾多現金係手"

   而經過這數年的炒作,令我明白到選股的重要性....只要隻股票係好野,到最後都係會反映係股價上,不理性的下跌,只會帶來絕佳的入市時機,當然!能否坐到最後贏錢,對個股的信心和心理壓力都很重要,最近我一有疑慮忐忑,就會去騎單車,消除困擾後再想清楚,有時都有D幫助.....而對一D不應持有的股票,我會斷言和它分手,明白到短暫的痛楚,有機會換來明天的光明,總好過死坐爛坐,自己又傷心,又唔知有冇得回家鄉,又錯失機會成本.

回首向來蕭瑟處，也無風雨也無晴。


 
 09:50 買入330 $16.62    X 1000
 
11:11 買入1157    $10.12   


投資冇必贏,只求勝算高!
目前持股:3988,2357,1198,883,1112,189,330,1157

(2011年7月25日開倉,目的只為自娛和跟老友競賽,絕無推介成份,非誠勿擾!)

十五萬元投機倉 開倉恆生指數:22445						1月$40000
股票代號	買入價	買入股數	沽出價	沽出股數	盈/虧	投資金額
(23/3)189	6.95	2000				14000
(19/3)2357	3.92	4000				15780
(25/7)1198	3.58	4000				14420
(1/8)2357	4.60	4000				18500
(28/7)1198	3.45	4000				13900
(6/3)2357	3.88	4000				15620
(9/3)1112	15.32	1000				15420
(26/3)330	16.62	1000				16720
(10/8)1198	2.71	2000				5420
(22/3)2357	3.69	4000				14860
					總投金額$	144540
					可用結餘$	16518