基本策略

   大市平開後下跌超過300點,出貨味濃....跌市麻,總會有人找些原因,今次原因好似話係溫總話只保經濟7.5%喎,我就唔係幾信呢個係跌市主因囉...之前保八時沒有預期環球通脹咁強勁麻,家下如減去預期4%通脹,實質預期保經濟增長都有11.5%,米通之前差唔多....我就話跌市主因只係一D計數盤啫,係低位升左咁多,去到高位又破唔到,又睇唔到之後有咩重大利好消息,咁搵個借口計下數又唔會好出奇....只要睇住D技術位,到時按策略行事就係啦.

  講開策略,唔知有冇股友係買股票前都有一個策略呢?冇就以後都應該要定啦,唔係就會好似打電話問股評人個D散戶咁嫁啦,冇哂方向,升又唔知點算,跌又震過猫王.....個人覺得買股票時應先想好如果買入後即跌咁點算好?如果升左又點算好?....正常黎講當你決定買入一隻股票時,買入價一定係你預期最合適的價位,想信唔會有人預期隻股重有排跌而買入啩??....咁理論上買入後隻股重跌咁就即係自己睇錯啦,咁理論上投資錯誤係米應該認錯呢?所以我一直都唔建議溝淡,呢個係從一開始寫BLOG時已指出....如果唔同意都冇所謂,因為只要你入市時已定左下跌時溝淡,而又明白係有極大機會將虧損同風險擴大的話,咁就冇人會話你錯,因為你既策略係咁定左就無謂改啦....

  就我個人而言,通常短炒的買入前便已定好止蝕位,呢個就係未諗贏先諗輸,因為係一早已預左會輸錢的風險,到真係到價止蝕就唔會咁痛....而當買左後升就最好唔好比自己倒蝕,因為真係會巧心痛的,所以一定要有個止賺位....咁止賺止蝕後個股又回升咁點算呢??唔好意思,呢個問題就答你唔到,而如果你有咁既問題就證明你炒股重未成熟,你未明止賺止蝕係保障自己的一種炒股必定要有的一個策略.....我當然也經常會出現咁既情況,我只會安慰自己同隻股冇綠囉.


09:46    減持1068 $11.98

10:24    沽出1068    $11.78    X    1000

11:21    買入2357 $3.88    X   4000



投資冇必贏,只求勝算高!
目前持股:3988,2357,1198,826,883,1112,999

(2011年7月25日開倉,目的只為自娛和跟老友競賽,絕無推介成份,非誠勿擾!)

十五萬元投機倉 開倉恆生指數:22445						1月$40000
股票代號	買入價	買入股數	沽出價	沽出股數	盈/虧	投資金額
(22/2)1112	13.5	1000				13600
(23/2)826	1.95	10000				19600
(25/7)1198	3.58	4000				14420
(1/8)2357	4.6	4000				18500
(28/7)1198	3.45	4000				13900
(6/3)2357	3.88	4000				15620
(24/2)999	5.27	4000				21200
(10/8)826	1.63	10000				16400
(10/8)1198	2.71	2000				5420
(28/2)1068	11.2	1000	11.78	1000	+480
					總投金額$	138560
					可用結餘$	13275