進階策略

     買股票有長,中,短線,入市時想持咩時間就應用咩策略......先講長線策略,其實冇野好講,只要係經濟低迷時入市,經濟強勁時沽出,咁就可以輕鬆賺錢,呢D機會一生人可能得十次,唔需要咩分析,最緊要坐得定,如果對經濟冇咩感覺,咁就只好買388....只要係成交量得2,3百億時買入388(97年時係3,40億,不過冇咩可能再見到),等到成交量升10倍時就沽出應該冇死錯......中線其實都係簡單到冇朋友,個股唔講,所謂中線睇趨勢,只要睇下恆指圖,係相隔一段時間裡搵兩個高點同低點,用間尺劃條直線就會睇到係上升趨勢定下跌趨勢,只要跟住條搵線食就OK,呢個已係最最最基本的中線策略,再長細D就要自己去學習.
  
  至於短線麻,就係最受歡迎,最多散戶參與,又令最多人輸錢的投機遊戲,如果唔係咁多散戶炒短線,D證券行同股評人收左皮好耐啦,連小弟個BLOG都唔會有人有性趣睇(雖然基本上都係冇咩人睇,有時覺得我係到自言自語中)......而短炒就只係睇圖表就得啦,其他因素最好少理,理得黎左想右諗可能已錯失最佳時機.....股票唔係升就係跌同橫行,呢個可以話係定理,所以短炒都係只炒單邊同波幅.....所謂單邊就係股票處於明顯的上升走勢或下跌走勢,而炒單邊最難決定的唔係入市位,個人覺得幾時獲利先係最頭痛,如果唔識其他短線分析,建議最簡單的方法就係用平均線,而問題係用咩日數的平均線呢?.....所謂長定短就好睇個人主觀,但又所謂太長用唔著,太短又唔夠用,最好自己搵把尺度下有幾短先決定....一般黎講5天線就比較多人用,例如升穿5天線買入,跌破就沽出,真係完全唔駛用腦(最好唔好用腦諗),因為最關鍵成功與否係執行力,絕對唔同意加入個人見解,對於鍾意出出入入的C9就最合皮,而小弟就從來唔會用,因為年紀大身子弱,出入得多唔係幾好,最重要係比較氾本,因為5天線比較敏感,價位會經常穿梭,但好處係輸唔死人,而輸你唔死正係炒股入門口訣,因為只要你唔係極超買下追入,下跌3%左右已經要沽出....炒下跌同樣可以用5天平均線,分別只係用衍生公具口啫,不過就唔建議囉.

   另一種就係炒波幅,也即是炒未有方向的股,建議搵D交投量大的股票,通常都有10~15%水位,食到幾轉都幾好啦....一般黎講炒波幅就用唔著平均線,因為比較遲緩,最重要係等價位試完支持或阻力後不果買入或沽出,因為越近支持同阻力位買入,咁止蝕就會冇咁傷....當然!以上我講的策略只是一個方向,內裡的東西炒過股既人都知點會咁簡單?但呢度我只能講咁多,因為我唔識也冇本事教人炒股.


09:31    買入2357    $3.92   X    4000

10:09    買入358   $19.04    X 1000

14:53    沽出1112 $16.76   X    500



投資冇必贏,只求勝算高!
目前持股:3988,2357,1198,826,883,1112,358

(2011年7月25日開倉,目的只為自娛和跟老友競賽,絕無推介成份,非誠勿擾!)

十五萬元投機倉 開倉恆生指數:22445						1月$40000
股票代號	買入價	買入股數	沽出價	沽出股數	盈/虧	投資金額
(22/2)1112	13.5	1000				13600
(19/3)2357	3.92	4000				15780
(25/7)1198	3.58	4000				14420
(1/8)2357	4.60	4000				18500
(28/7)1198	3.45	4000				13900
(6/3)2357	3.88	4000				15620
(9/3)1112	15.32	1000				15420
(19/3)358	19.04	1000				19140
(10/8)1198	2.71	2000				5420
(14/3)1112	15.68	500	16.76	500	+490
					總投金額$	131700
					可用結餘$	25085