理論

港股昨日勁升9百幾點,係多年小見,由於有地心吸力,跌9百幾容易見,升就好小好小.......每次去到預定位出現大反彈我都會從新再研究下大市,究竟係反彈定開始新升浪,而要睇大氣候就要用大理論,如"道氏理論""波浪理論".

老實講,"波浪理論"我真係唔係幾掂數浪,但估大趨勢佢係幾有用....但分析之前就一定要相信,大市從33000點跌至11000點時已經完成熊市跌浪,而從11000上升係牛市開始,如果呢點有懷疑,咁以下所講可以不理.....

  "道氏理論"中,牛轉熊必先經過狂潮,呢點07年時已經歷左,但之後未出現過狂熱,所以呢個跌浪絕對唔係熊市,除非08年至今都未牛過.......而從數浪中,33000跌至11000已明顯出現左3個下跌大浪,我也要相信已完成下跌浪,否則就不能數下去......如果已完成跌浪,咁從11000上升就係推動浪,升到25000只係第一浪,而也有明顯的5個次級浪.....如果以上正確,咁25000出現的下跌只係調整浪,不過波浪理論中係冇提過回吐幅度,你只能數數下,呢下至憎....不過我都隱約數到家下係行緊C浪,可惜唔知會行幾遠,因為經常會有伸展浪,只能說絕對唔會低於起步點,所以一日唔跌穿起步點,一日都係牛浪中,呢點係定律......由於佢冇回吐幅度,我們只有用"黃金比率"黎估估下,而16000左右就已經係回吐極限,除非用江恩百分比都重有幾個位,不過咁就冇意思,....其實的都唔係幾信比率,只係16000左右剛好係之前頸線位,所以加強可信性啫......

   講左咁多野即係家下係反彈定回升呢?----唔知!,因為所有事情要發生左先知,但要真係回升首先要升穿18200,回吐唔跌破16170呢兩個最基本條件......但有一點可以確定,就係如果16170係見底,咁跟住將會上升至30000樓上....呢點係"波浪理論"


09:21    恆指已出現高開,走勢上有機會形成島型底的見底型態,目前最重要出大陽燭同成交來確定.

09:37    投機沽出3988 $2.37    X 10000

12:01 由於忙於攪個"吹水MSN"所以沒打今早買左716...$1.54....沽左$1.57   X   10000

13:33   投機買入555   $0.46   X   50000 


唔係廣告:朋友!!....你寂寞嗎?....想搵人吹吹水嗎?.....是否心中有不滿的事?(關於股票)又是否有D心事唔想同身邊人講?(蝕左錢)不要害羞,不要害怕....我們只想和"你""妳"吹下水....主要係交流炒股....當然....有感情問題我們都有這方面的專家幫"你""妳".....有興趣就馬上用MSN同我們吹水罷 kosir@groups.live.com,或oliverlau@hotmail.com....重要諗吓??唔駛啦,我保證唔加入你冇著數,但就絕對有損失,包括我地"吹水會"的免費聚餐(由大排檔~5星級酒店..不等),和免費旅遊(由深圳~馬耳代夫...都試過)....嘩!!!重等咩?!快D啦,等"你""妳"呀!

驚天好消息!!由於"MSN吹水會"實在太吸引啦,我地誠意邀請左紅遍亞太區的"投資旅遊寫作人---高俊權"---"高SIR"光臨我地吹水會擔任---客席主講家賓...兼---獨立非執行董事......由於報名人數實在太多,本會將採取先到先得,名額有限,重唔快D加入!!!

 



目前持股:3988,2357,1198,826,883,555

(2011年7月25日開倉,目的只為自娛和跟老友競賽,絕無推介成份,非誠勿擾!)

十五萬元投機倉 開倉恆生指數:22445
股票代號	買入價	買入股數	沽出價	沽出股數	止蝕價	投資金額
(3/10)3988	2.32	10000	2.37	10000
(4/8)826	1.73	10000				17400
(25/7)1198	3.58	4000				14420
(1/8)2357	4.6	4000				18500
(28/7)1198	3.45	4000				13900
(7/10)716	1.54	10000	1.57	10000
(7/10)555	0.46	50000				23120
(10/8)826	1.63	10000				16400
(10/8)1198	2.71	2000				5420
(2/9)2357	3.75	4000				15100
					總投金額$	124260
					可用結餘$	12190