4-10-2011

  昨晚有朋友取笑我,點解呢輪經常短炒?!唔係已經做左價值投資者咩?!....的確!係大市跌穿19000時,我已決定唔多理個市,採取每跌1千點入一注的策略入市....但原來唔係咁易,點解?因為投資方向真係取決於性格,自從決定用機械式到價入市機制後,個人就變得冇晒心機睇市,因為已經冇野好睇,只係坐係度等到價,食飽就訓,完全冇左活力,形同"宅男",同"職業炒手"完全冇關係....冇左心機睇市,就自然冇心機打BLOG啦,因為根本唔知打咩好,唔通日日都話"又跌一千點,可入一注"咩?

  情況就好似你去賭場賭錢,但入到場後自己就上酒店訓覺,將D錢交比朋友幫你鋪鋪買"庄",訓醒就落黎睇下贏定輸,你會唔會咁做?.....正常人都唔會啦,如果唔係賭身家,入場都係想小注博下啫,其中都係享受贏下輸下帶比你的剌激麻......於是就決定保留少少現金短炒下,過下日神囉,又真係個人精神左,又有左D衝勁,變得有心機專主下股市,找到D生氣,唔駛日日發悶,賺少少都會好開心.......另外原來都可以安撫心靈,好似如果即市跌市,賬面又唔見幾皮野時,如果短炒可以賺一千幾百,開心之餘又真係可以令人唔多諗D唔開心的事喎......雖然個幾百一千對於賬面虧損只係星星之火,但係呢個黎明前的黑夜時期,又真係可以照亮一切,帶來動力,有助渡過呢個大市寒流.......

   講開賭場,昨日D賭股又真係跌死好多人,880呢個龍頭股竟然即市跌25%,真係刺激!但都只係跌到上次股權事件個位,當時恆指2萬點之上,如要追跌都重有空間,博反彈都未係時候,反而493都可以諗諗......大市如今日跌至16000邊可大手博反彈,呢個位反彈機會高達80%,幅度應有2000點,可選一些指數股一博......


10:10 止蝕330    $9.4 

11:11   期指同昨日相似,係16700~16800間平淡倉,下午有可能挾上17000 

12:57   昨日提過的819,今早再觸及底位後出現反彈,可惜昨日買左330而錯過左呢一隻,即市如回試$3.24左右可以少注一博,但始終呢隻野係未見出現清洗過,擔心會突然被洗,所以跌穿底位要即時走人.....昨日買的330就真係激死,由賺變輸係令人最唔高興的事,只怪自己太貪心.....

13:37 買入2357    $2.38

14:00   唔....下午一開市就開開挾淡倉啦....如果可以倒升就形勢比較好.....如能挾上17000就VERY GOOD 啦.

14:59   真係冇心機,今早提過的493話可以博反彈,點知自己寫底左都唔記得睇,家下反彈超過10%,賺一半都好啦....嗚..


目前持股:3988,2357,1198,826,883

(2011年7月25日開倉,目的只為自娛和跟老友競賽,絕無推介成份,非誠勿擾!)

十五萬元投機倉 開倉恆生指數:22445
股票代號	買入價	買入股數	沽出價	沽出股數	止蝕價	投資金額
(3/10)3988	2.32	10000				23320
(4/8)826	1.73	10000				17400
(25/7)1198	3.58	4000				14420
(1/8)2357	4.6	4000				18500
(28/7)1198	3.45	4000				13900
(10/8)826	1.63	10000				16400
(10/8)1198	2.71	2000				5420
(2/9)2357	3.75	4000				15100
					總投金額$	124460
					可用結餘$	11410