無題

   近日歐債越攪越煩,股市大幅波動,由其港股更越潛越低,投資者就越來越傷心,不知點算好......

   由於呢D問題越來越嚴重,我決定聯同另外六名投資人,招開"7個高峰會議",商討歐債危機問題同大市走勢.....昨晚就位於左敦"XXXX總會"的一間K房內開會,重誠意邀請左6位出色"女秘書"(秘書長講)一齊交流意見,其中兩位更是內地高級幹部(聽佢地口音)....E~?!點解唔係7位既??唔...咁係因為其中一位成員由於經常好大洗,重借落周身債,家下經濟唔好,所以冇錢請秘書....咁都唔只,佢重因為有筆即將到期的卡數要找又冇錢還,想問我地借錢還息喎,重話到期唔還將會被銀行降佢信用評級囉.....原本個少少錢我地都重借得起,但條友如果一直大洗落去,就借比佢都冇用啦,所以我地就強烈要求佢平時減少開支,但佢話大洗開一下子好難做到喎,咁我地當然感到無奈啦,有位成員重話要佢攞D抵押品先願借添......想唔借比佢又驚佢比銀行追佢債,到時攪到佢破產就煩到我地啦....最驚今次唔幫佢,下次其他成員有事就沒人會幫啦.....於是我地決定..............

  另一個議題就係如何面對家下大市,我地同D秘書一齊玩大話色,一邊飲一邊玩,輸個位就要比出一個意見....經過一輪舌戰唇槍,各舒己見後,最終都係冇人睇得通後市,但就得出3個策略......1.唔好理咁多,每跌一千加一注.....2.每次超賣博反彈後走人等下次超賣再入......3.咩都唔好做,等事情明朗,走勢轉好先再入市.....車~!咁米即係冇講過?!....係!的確冇其他策略,如果有就請各位網友提供下.......




目前持股:3988,2357,1198,826,883

(2011年7月25日開倉,目的只為自娛和跟老友競賽,絕無推介成份,非誠勿擾!)

十五萬元投機倉 開倉恆生指數:22445
股票代號	買入價	買入股數	沽出價	沽出股數	止蝕價	投資金額
(3/10)3988	2.32	10000				23320
(4/8)826	1.73	10000				17400
(25/7)1198	3.58	4000				14420
(1/8)2357	4.6	4000				18500
(28/7)1198	3.45	4000				13900
(10/8)826	1.63	10000				16400
(10/8)1198	2.71	2000				5420
(2/9)2357	3.75	4000				15100
					總投金額$	124460
					可用結餘$	11410