唯快不破

   今早提過開高峰會,但其實重有少少的插曲,就係我慘被其他6個財長抽插.....原來當中一位老兄日前即市跟我買左330,不過佢第二日見唔對路平手走人,而我就輸錢走.....原本輸贏係好平常,不過我自己衰多口,同佢地講話本來係打算即日鮮,點知見走勢幾強就貪心想睇多一兩日賺多D,點知攪到大家冇錢賺,重錯失左開市買入493的機會,咁就只好自飲2杯......

   但其實整個過程就出左好多問題....首先臨場變陣乃兵家大忌,其次衰貪心沒留意成交變化,另外係呢個時不利兮的日子係唔應該有貪念.....這令我突然想起"功夫"內的一句----"天下炒功,唯快不破".........的確!今時今日興玩ONE NIGHT STAND,炒股都應該玩DAY TRADE.

   之前都提過玩即日係應該大注同戎貪,重點係快,狠,準....但家下風雨飄搖,勝算減低下,狠同大注就唔好啦,準就好難講得埋,但"快"就人人都做到....睇中就要快入,睇錯就要快出,有賺就要睇位快閃.....如果樣樣都快,注碼唔大,咁輸贏都係有限錢,要破你功就唔係咁易.....由於即日只係講求賺取股價波幅中的3~5%,所以蝕都最好唔蝕多過4%+1%交易費,如能做到只蝕1~2%就最佳,不過唔係咁易做到....命中率就變左成敗關鍵,呢個就要睇個人啦,但另一關鍵係交易成本,如果用銀行就難玩D,另外冇用串流報價都唔建議....我之前考慮過開"寶來證券",因好似話3百幾蚊手續費包月喎,但又唔知呢間係咩公司,又開左"一通證券"貪佢平,但又聽說時不時會塞車....SO,最後都係用返用開個兩間,雖然沒"一通"咁平,但都係2,3位平啦,起碼人地用"JAVA"連線,唔會塞車,落盤又快麻,加上佢地主業唔係證券起家,起碼唔會"坐盤",咁就十分安全啦,貴少少都冇所謂啦,正所謂"贏左唔志在,輸左唔爭在"啦.....

   基於"唯快不破"呢個道理同330的失策,所以決定呢一排都只會玩即日,其他唔諗住.....由於氣氛唔好,所以都只會用2~5萬黎炒,視乎股價引伸波幅而定....由於賺蝕都係一千幾百,加上有輸有贏,所以回報唔會高,輸又唔會多,米當係入賭場小注玩下百家樂囉......雖然唔知網友有冇興趣,但如果唔貼市就無謂玩啦...


09:39    沽出2357 $2.51

10:25    買入449   $0.4 $0.39止蝕

12:49    大市跟隨外圍做好而大幅高開,未能先跌穿16000的確有D可惜,原本已定好的大手博反彈策略未能用到,激死!....上午成交放大,但出現陰燭就唔係幾好,下午收市如未能收高過17000走勢上就真係麻麻地,原本已為急速跌穿16000會帶來急彈2000點,家下要睇睇今日走勢囉....但博反彈機會只有一次,當再回試16000就唔好博啦......昨晚原選定今日會即市炒38,奈何一開已沒有水位,只好退而選擇449或716....不過都係好細注.

14:25  沽出449  $0.405  沒有動力,安全起見平手走人.

15:25  激死人啦,排左$0.415,自己為安全走左,家下個位比人掃清...嗚...點解唔早少少


目前持股:3988,2357,1198,826,883

(2011年7月25日開倉,目的只為自娛和跟老友競賽,絕無推介成份,非誠勿擾!)

十五萬元投機倉 開倉恆生指數:22445
股票代號	買入價	買入股數	沽出價	沽出股數	止蝕價	投資金額
(3/10)3988	2.32	10000				23320
(4/8)826	1.73	10000				17400
(25/7)1198	3.58	4000				14420
(1/8)2357	4.6	4000				18500
(28/7)1198	3.45	4000				13900
(10/8)826	1.63	10000				16400
(10/8)1198	2.71	2000				5420
(2/9)2357	3.75	4000				15100
					總投金額$	124460
					可用結餘$	11410