只限男士

         
         發現家中有好多冇用既野,其中一樣就係呢D相機器材....呢D單鏡反光菲林相機係今時今日已成科技下的文化遺產,真係食之無味,但棄之又可惜...但當年為左買佢地真係食少不知幾多餐飯.如果從前都有影過下相既朋友可能會覺得我應該少左支中距鏡,但其實係有既,只係因為呢度已經太重啦,平時又唔多用,所以賣左比人,而應付一般既情況呢度已經夠照啦(我覺得).....唔好睇少我呢支長距鏡,係當時黎講算係入門級的好野,因為佢係去到2.8定光圈.如果有影過相都會知道,照相除左構圖之外,其實可以話係光與影的配合,光圈同快門的互動,而長焦距可以用到大光圈係對影快速移動既物體好有幫助......唔好以為我好鍾意影相,茶實我唔係幾鍾意,呢舊野我到呢一刻都未完全理解佢既功能,而唯一用佢地既目的就係"溝女"....HAHA

         唔好覺得奇怪點解溝女都要用相機,其實佢係好好用既.....相信好多男士都知道,溝女工具之王就係---車,因為車係可以提供機會比你同心儀既對象好多單獨相處既時間,由其放工時可以車下佢反屋企,最重要係"趕絕外母型"果款,免得重要車埋其他無謂人....咁途中自然大把機會溝通下,最好條女就住得越遠越好,拿怕你由元朗車去石澳都要話順路啫~~當然!呢個只會係早期現象,到後期就算係荃灣到葵芳你都可能會話太遠啦吧~~.我自己就冇本事買車啦,不過都曾經受"天若有情"的影響,諗過下買部躍馬二衝程大包圍嫁,加上當時頭髮長,如再配合紫色車身同頭盔....OH~~試想下當你停車,除頭盔,拉下皮革拉鍊,FING下D頭髮,(記住係一連串唔好停)...天啊~~我都頂你唔順啦,何況係女??!!.....而溝女第二工具就係相機囉,因為每個女士都好貪靚,由其佢地都知道唔襯後生影低D靚相,到年記大左就只可以影下背脊同心口....所以通常你老吹話識影相,好多時都會有女士唔介意出黎影下既,當然你自己個樣都唔可以太衰啦,否則吹咩都冇用啦...記得有一次我單拖同4條女去海馬公園影相呢.HEHE

          話就話係老吹扮專業啫,咁你都唔可以話拿住部手機去同人影啩?!所以就一定要落少少本錢買D器材,咁唔打得都睇得下麻,真係影得唔好米話條女個樣就係咁上下冇辦法囉....當然!都要有少少知識先得既,起碼都要睇下幾本書,都要識少少咩叫"景深",咩叫"剪影"咩叫"黃金分割"同一D基本構圖啩,"梳伕"鏡就一定唔少得啦,唔係點將豬扒變女神喎,你知啦,通常D女第一,二次都係怕怕羞羞咁唔會單拖同你去嫁麻,重會帶埋一D姊妹嫁啦,咁你又唔可能要求佢D姊妹件件都係索女嫁,況且係對你有少少好感既都唔會搵D索野黎同佢爭食啦,醒目既都會搵D扒類黎突出自己嫁啦.加上青春少女有時出下暗倉就一定會有,唔用D霧化,柔焦鏡佢除時唔想比你影添啦.

         咁你可能會覺得你唔駛用影相呢招都溝到女啦....當然呢我下唔反對,基本上我自己都唔係太需要既...但有時呢家野就好似炒股咁係講求機率的,如果你只懂得一招炒股,咁你好多時就只有坐係度等運到,但如果你識多幾招既你就可以主動咁搵多D機會.我舉個例:假如你公司有十條女,有3個鍾意玩電腦,有3個鍾意影相,有3個鍾意聽音樂,有個鍾意睇書,但係你就只係識通渠,咁你用咩話提黎同人接觸呢?!除非你係好與眾不同啫,但點樣你都只係與眾不同既通渠佬啫,你又點搵到位比自己入呢?!家下連水喉佬都話識整網頁啦...當然~我唔排除D女間唔中屋企會塞渠,但又係米你公司得你一位識通渠呢?!係米一定要搵你呢?!如果有位男同事又識通渠又識影相同玩電腦,咁你話人地會搵邊個上佢屋企呢?!呢D米就係機會率囉,養兵千日用在一朝麻.如果係識得果十位女同事其中一飯既野,起碼就多左十分三既機會啦.就算有條女對你有少少FELL,你都冇可能次次出街都係睇戲食飯嫁麻,出多兩三次條女都比你悶Q死啦....如果真係咩都唔識就死都要死部車返來啦,有車真係完全唔同嫁,可以有好多地方去嫁,例如夜晚去一個遠離市區既地方睇星星啦,順便當然要睇埋日出啦,嘩~~成晚留留長你話攪咩好呢?!又可以省回酒店錢呢~HAHA

    不過咁講,呢D野又唔係話長期有用既,當你去到咁上下年紀,老實講已未必用得著呢D花考野....如果有飲過紅酒既都可能會知道,有時新開既紅酒係飲唔出真味既,要經過"醒酒"放低一陣子,等佢投下氣D味道先會出黎...其實男人都係一樣,到你二十幾三十歲時,就好自然會有吸引女性的味道,呢D可能就係男人味,可能真係要女人先聞得出.呢D應該係男人經歷多左會有D滄桑感,性格又變得冇咁幼稚,懂得如何接觸女性同知她們所需,先會比女性有呢D感覺,咁我估可能係女性比同齡男性早熟關係啩,你後生時有冇試過比差唔多年齡既女性話你幼稚呢?!因此大多數女性最終既結婚對象都係比佢地大5年或以上....所以要有咁上下年記先會有男人味,當然呢下要問D女士先清楚,但起碼我未聽過有女性話D十幾歲既男仔有味道囉,就好似我到左二十七,八歲時,唔知點解會有好多女性......算啦!都係唔講啦,反正都唔重要.