異形海戰

          你可能會奇怪~~E????各下唔係吹到好大話唔打BLOG既咩???點解家下又......@@....唔~~我又煩請各下開大D個?眼睇清楚我之前講咩...我係話不談股市,只談風月,....咁點解講講下股又突然講其他既??....有咩咁奇??你叫我點答你??出開財經書都可以出旅遊書啦,咁我談下風月係米唔得先??呢D叫向多元化發展麻,唔滿意既可以請便囉.....其實我都好想講下D真正"風月"既野,但無奈我同賤內只係處於分居狀態,我唔想比佢知道太多,雖然我知佢多數唔會睇到我寫既野.....HAHA

          入正題;我昨晚終於睇左部"超級戰艦之異形海戰",呢部係近期我同個仔都好期待的兩部科幻片之一,呢部野星期一左右已被我下載(當然係非法啦)我同個仔都忍左成5日先等到可以睇,點解?因為兩父子都好想用投影機睇,由期我個仔跟得我多,變左忠實戲迷,呢D大形特技片,當然要有視覺同聽覺既享受先得啦....而投影機一係就做到屋內全黑,否則日頭係睇唔清既,因此一定要晚上先可以睇,而平時一來唔想影響其他人,因為係開到地震咁大聲,兩來係平日唔比開電視既,所以要等到星期六先可以一齊欣賞.如果用電視睇麻,我都還可以,但個仔就死都唔得,37吋已滿足唔到佢啦,佢其實已經常叫我換部60吋,講真我都想嫁,家下D電視真係好很平,60吋既同我現時既37吋竟然差唔多價錢,重要係FULLHD果隻添,死未!

         講返部戲既內容其實就一字已蓋之~~爛,內容真係爛到冇朋友,由其係點解外星人想入侵地球竟然唔覺意撞爛左自己既通訊器,又唔係見人就殺果下離奇,開頭重要唔炸埋第三首戰艦,攪到最後比人攪掂左,真係白痴....不過,特技都算幾好,音效幾強勁,由期發射保護牆果下D低音震到玻璃窗震埋,勁!.....如果想睇有內容既就唔駛睇啦,免得小小聲,但如果只係想享受下視聽效果既就不妨一看啦.....總體評分:65分.

係米明顯睇得出37吋同80吋既分別呢?!