魚樂無窮

         唔知有冇人聽過或睇過"魚樂無窮"呢個N年前亞視的深宵節目,聽講話收視都幾高,不過就冇插廣告,而根據本人非正式估計,當時呢個節目令到D安眠藥消量大減添,因為個節目就係影住個魚缸D魚游來游去,好多失眠人士都係靠佢先有得訓覺.

         我就自從全職炒股開始就學人養下魚,因為當人整天對住電腦睇住下邊呢個畫面時,你個人就會好快調謝,所以我就係電腦枱邊放左個魚缸,睇電腦睇到無聊時就睇下個魚缸D魚游游下,由其我最鐘意睇D老鼠魚尋找食物的游資,真係好鬼Q嫁.

          但有D野對得多又會悶既,睇左成兩年幾都係果D魚又會冇咩新鮮感,後期都好少坐定睇魚啦......都唔知係年紀大左定睇得電腦多,發覺視力明顯退化左,基本上一呎之內眼球已對唔到焦,所以最近決定減少睇電腦既時間,於是就將個魚缸大變身,養多D水草,因為綠色野對眼睛係有絕對既好處,現在加多左D新魚類同蝦仔,變左得閑就會睇下個魚缸,由其係D蝦仔揾野食時個樣都好得意,一睇可以睇好耐下.

早期~~

最新~~