~短炒基本理念~

                   好耐冇打隨筆了,原因係冇咩人睇......但其實......係我賴賴左....HAHA

                   早日同一位網友吹開有關短炒的問題,唔知係米我講得太唔清楚,又或我用的比喻唔係好正確,又或我表達能力差,所以我覺得條友可能唔係好明,經我諗左一日,我試下再表達得清楚D.

                  首先講下一D數學遊戲,假設你同一位朋友對賭大細,每次開大你輸1元,開細就佢輸1元,每人賭本係100元,咁你估邊一個先輸哂100元呢?答案係冇人會知,可能玩一世都分唔到勝負,原因係開大開細既機率係50/50,即係大家勝出率都只係50/50,而且係隨機既,正常情況下係冇人會知開咩.....但!如果改一改話開大你輸5毛,開細佢輸1元,咁雖然都唔知幾時分勝負,但已可以確定你必勝無疑,只係時間問題啫.....係米有少少知我想講咩呢?!可以睇完呢段再想一想.

                  咁點解係每次1元而唔係10元呢?因為好多人都見過連開10鋪大或細,但我未聽過連開20鋪,再要連開50鋪的機率可能可以比美中六合彩,如果唔信可以自己試下,而如果你真係走去試我只好無奈咁笑你係低B....咁即係話,假設短炒股票買入後升跌的機率係50/50,咁你要長期炒賣就要定好識當的止蝕和止賺,最重要係控制好注碼,否則!當你咁好彩遇著連輸10鋪你就會好快清袋....但如果好似上邊比喻咁每次賺10%和輸10%米得個玩字??當然唔係,你只會慢慢咁輸清,因為每次輸贏你都要比人抽水即係交易費,咁輸贏既比率就唔係50/50,長賭一定都係輸....數學就係咁計.

                 係機率對等的情況下要做到長玩長勝,最直接的方法就係贏錢10%,而輸錢只輸5%,咁假設機率係50/50,咁即係可以假設你買10次有5次係會賺,咁5次就賺50%,而輸就輸25%,當然!呢個只係數學,實際上係冇咩可能每次都控制到50/25,所以我們只可以盡量賺錢時賺多D而輸錢時輸少D....但你又會話邊有可能真係每10次中5次呢?呢個當然啦,因為機率係50/50,但每次都係隨機的,所以注碼分得越細越冇咁快出場,加上我們係可以令到遊戲唔公平的,也即是技術性出千囉.....你諗下如果賭場有人識"聽色",咁對其他人係米好唔公平?股場就好似賭場咁,如果你係唔識技術性出千,咁你米同其他人一樣賺蝕機率係50/50囉,而大戶就係千術好高明的賭徒,你同佢對賭就十賭九輸,但我們也可以學少少千術,可以輕微咁聽到下一鋪開大定細,咁勝負機率就會提高,只要可以提高到10次中6次,咁即係機率係60/40,咁就係每次贏10輸10長賭都係贏啦,如果再加上贏足輸半的方法,咁米可以賺更多囉.再如果千術更高明,命中率不段提升,咁你話結果係點??

                  當然!數學就係咁計,理論亦都係咁講,要去到咩程度就要睇個人,但~~要短炒長勝,一切都要由贏多輸少控制注碼開始呢....再補充下,如果覺得股票賺10%輸5%係好難控制...咁如果我話用期指每次控制賺多過40點而輸唔多過30點呢?咁係米比較可以做到呢??其實導理就係一樣啫.....再補充一句.如果明白我講咩既,請比D回應我....如果唔係我下次唔會再寫隨筆.@_@



沽出826    $1.55     原因:月尾要用錢.



投資冇必贏,只求勝算高!
目前持股:3988,2357,1198,883,3998,933,3983,81

(2011年7月25日開倉,目的只為自娛,絕無推介成份,非誠勿擾!)

十五萬元投機倉 開倉恆生指數:22445						1月$40000
股票代號	買入價	買入股數	沽出價	沽出股數	盈/虧	投資金額
(10/8)1198	2.71	2000				$5420
2357	4.06	12000				$49020
1198	3.515	8000				$28320
(23/7)3983	4.5	4000				$18100
(5/7)3998	2.05	10000				$20620
(23/7)933	1.51	8000				$12180
(11/7)933	1.53	10000				$15400

(6/7)933	1.59	10000				$16000
					總投金額$	$176360
					可用結餘$	$6343