千古忠佞誰人知?

                 昨日和朋友吹水,講開話佢早幾日去左維園,場面幾震撼喎....我奇怪條友點解會去呢D地方,重要係咁敏感的日子;佢話當日去左銅鑼灣WINDOW SHOPPING,見有好很多人向住同一個方向行,以為有米派,所以就跟住去想攞D著數,點知原來果度攪緊D大型活動喎,咁就可以解釋條友炒股成日輸錢的原因啦.....我其實只係擔心佢既人生安全啫,果度成8萬至18萬人喎(真係唔明點解次次官方點人數同民間都係差咁遠),咁多人一齊玩火,真係一個有人唔小心燒著D野,點走?!到時一定人踩人啦.

                 記得當年事件發生時,我年記很少,唔係太懂其中因由,雖然當時會考中,後來成績很差,但我把責任歸咎於事件影響左我考試情緒.....但見好多人都傷心,包括家中兩老,母親大人由其邊睇電視邊落淚,連我唔清楚因由都會見到當時的報導而受家人影響而心傷.....好明顯,人的情緒係會好容易受他人影響,如果唔係股市唔會咁易被大戶搵食,但到底件事係點既呢?好多人都只係睇電視的報導,情緒受他人影響而出現一面倒的仇怨.....到年齡越大,又每年都有人提起呢件事,我又時不時諗下,係米政府錯哂呢?會唔會只係學生好心做壞事呢?要求民主的時間係米唔係好合適呢?

                客觀一點睇,由清末英法聯軍開始到建國,中國幾乎都係不停的戰亂,就算建國後都因為毛澤東呢一個只懂開國而不識治國的一代梟雄,攪到民不聊生....要去到偉大人物--小平同志(我認為)攪改革開放,先至叫做民生開始有小小生活水平.....講真,以當時的國內情況,真的可以咁快要求自由民主嗎?經過十年文革,人民的知識水平有幾高?明白什麼叫民主嗎?美國自稱係最民主的國家,但唔通真係好民主咩?我又唔覺囉......以當時中央領導人,個個都係經歷多年戰亂,難得開始有D安樂茶飯,會唔會咁快又比學生攪亂呢?由其偉大領導小平同志,佢能3落3起而做到最高領導,是一個非常有遠見的人,從他的摸著石頭過河,先讓小部分人富起來的做法,可以睇到佢係好小心,唔係急工的人,點會咁快接受學生的所謂民主?佢唔怕攪出第2個大躍進咩??加上當時的局勢,會唔會有黨內人事借事件攪黨爭呢?紫陽同志比人快速打下台,明顯係小平同志可能想快速控制黨派分爭....而事件又會唔會係國外勢力如英,美等攪出黎想分裂國家呢?千其唔好奇怪,一個雙目失明的人可以由四川走到去北京美國領事館,你話冇外國勢力介入??而當時事件越攪越大,已開始引燃至其他國內城市,如不快速解決,會否出現新彊和西藏的借D倚攪分手呢?

                誠然!自由民主人人都想,但時機又係米合識呢?係米等多50年,等國家開始富強,人民教育水平提高左,才開始攪會好D呢?學生們只是讀過下書,冇經過真正的亂世,可能未明當時國家一切要以平穩為先,休養生息,呢D大改變唔係話小孩玩泥沙,唔得可以推倒從來,一錯子可能把國家推回內亂咁米死得?不景中國有十幾億人啊!要好好的管理已不容易,身為有責任的領導更要以全國為重呢......出現當時的結局係冇人想,由開始至結束為持左個多月,表明當時領導人都想忍讓而淡化,無奈事情越攪越大,最終領導人也只好做他們應為對的事.....所以!事件可能相方都冇錯,大家都做左自己應為正確的事情,只係局勢不容許咁快有大改變,錯的只係時空吧了.


投資冇必贏,只求勝算高!
目前持股:3988,2357,1198,883,81,2727,688

(2011年7月25日開倉,目的只為自娛,絕無推介成份,非誠勿擾!)

十五萬元投機倉 開倉恆生指數:22445						1月$40000
股票代號	買入價	買入股數	沽出價	沽出股數	盈/虧	投資金額
(10/8)1198	2.71	2000				5420
2357	4.06	12000				49020
1198	3.515	8000				28320
						睇
(1/6)688	15.84	2000				31820
(31/5)2727	3.38	4000				13620

(5/6)2727	3.19	4000				12860
					總投金額$	152100
					可用結餘$	30163