剪不斷,理還亂

               原來不知不覺已寫BLOG超過一年了....如果從寫BLOG開始計,成績真係唔見得人,可惜由於YAHOO之前UPDATE左,早期幾個月的業績搵唔返,因為當時係打係回應度,所以我都唔太紀得實數,好似OK吧....好不幸地開BLOG冇耐就撞正大跌市,所以上年總體成績不太好,就賺少左好多好多,所以一直都很自責,今天還和股友開玩笑我們相識於熊時,所以要共勉之....當然,如果話跌市要輸錢係好正常,但呢D說話同老婆講就得,同自己講就過唔到自己果關,如果升市賺錢跌市就輸錢,咁同一般C9有咩分別??起碼要做到升市賺多錢,跌市賺少錢先叫做出黎行麻.

              因此我發過誓唔可以再出現虧損....當然這只是氣言,要做到談何容易,而發誓對我黎講也只是平常事....但一出現虧損時,我就會對自己好失望,所以今個月我不停地反思,點解今個月要輸錢?!....誠然!月初時睇錯市,冇諗過外圍會攪到咁亂,但睇錯市我可以接受,問題係知道睇錯後冇快速地採取補救方法果下接受唔到....我睇回今個月的短炒記錄,月初時已有利潤2千幾,賬面有3千幾,如果我願意採取唔賺都唔好輸的一貫策略,咁我最多唔賺果3千幾,再用炒反彈的操作法,係點都唔會輸錢的....而我又犯左另一個錯誤的策略,就係保留弱勢股而沽出強勢股....由於月中時已看好水泥股和內房股,所以基本上我月中打後都只係炒呢類板塊,但由於要保留資金關係,所以都係小注快炒,而後來全是內房股....選股上係冇錯,錯就錯在發現想增持現金時,係應該減持1198和2357呢D未係時候的股,由其2357係有微利時應減持,更不應該增持1198,雖然我覺得佢好平,但未有咁快可以炒呢類細股時,買佢就會錯失買其他的機會,攪到我錯失左81呢隻越減越升的好野,真係激氣.

             而最激心既係6月第一個交易日,原本已反思左今個月的入市策略,決定唔會再投入新資金的同時,賺蝕都盡量即日了結,因為我發覺今年大部份時間都冇咩現金係手,反而太多資金投放係兩寶中,導致資金不能沖分利用,錯失好多時機,所以本己定好增持CASH的策略...可惜我又一次冇按照原先的策略,係有微利的情況下又出現貪心左,原本貪心或睇好唔沽出都冇所謂,大不了就換碼,可惜!我兩次已落盤想減持1198但都被我取消左,到臨收市時再排已沒有成交到,變左又持多左股票,呢D左搖右擺的心態,真係唔可以原諒,又一次證明自己冇嚴格尊守已定的策略行事,這點是多麼危險的一件事,因為無論對與錯,做唔到按策操作就永不能在股場中生存,...明明想增持現金,沽出唔駛輸錢或弱勢的股票,以防再大跌時冇錢買平貨,點知家下就越攪越亂,越做越錯....唉!幾時先得成熟呢??看來我離入門級數都重有一段路呢!

             唔好見怪的呢排成日講呢D野,因為我呢排個腦就係諗呢D野,加上我寫出黎除左發洩一番外(因為冇其他發洩途徑),係為左比自己將來又出錯時從溫的,希望股友見諒!....而由於我唔想再攪亂自己D心態,所以我係呢度事先張揚,如果1198趺破$1.70,2357跌破$2.90我會馬上減持,希望識得我的股友到時幫忙提醒.


09:38    買入3333     $3.96   X    5000

09:38    減持1198     $1.7    



投資冇必贏,只求勝算高!
目前持股:3988,2357,1198,883,81,2727,688,3333

(2011年7月25日開倉,目的只為自娛,絕無推介成份,非誠勿擾!)

十五萬元投機倉 開倉恆生指數:22445						1月$40000
股票代號	買入價	買入股數	沽出價	沽出股數	盈/虧	投資金額
(10/8)1198	2.71	2000				5420
2357	4.06	12000				49020
1198	3.515	8000				28320
(22/5)1198	1.991	1250	1.7	1250	-363
(1/6)688	15.84	2000				31820
(29/5)1198	1.83	10000	1.7	10000	-1400
(4/6)3333	3.96	5000				19900
(31/5)2727	3.38	4000				13620

					總投金額$	159140
					可用結餘$	21605