理論(7)

   E~?點解理論咁快到第7篇??....唔駛奇怪,因為1~6早就完成,而7只係今日先打的,而由於都係斷斷續續咁打,所以打到我都唔知打咩,不過冇所謂,反正都係冇野寫搵野黎寫,已不重要了.......今天是一個很特別的日子,每年都想忘記這個傷心日子,可惜每年都會被人提起,記憶中只有一,兩次係真正忘記的,由於有感而發,所以就打左原本沒有的第7篇......

  記得十幾二十年前,我同家父講想投資股票,佢第一時間話要投資就要學識睇圖表,於是佢就比左幾本技術分析的中文版過我睇,當時真係唔明一種分析可以講成本書,現在想來真係80%係冇用既野.......家父又教我如何長期追蹤研究15隻指數股,唔好以為係好少事,係當時沒有互聯網情況下,我係要每天晚上一邊睇電視,一邊睇報紙尋找指定的15隻個股,然後用格仔紙手動咁畫K線圖,再搵有關公司消息的新聞剪下收藏.....唔好以為好簡單,要畫得精準係要好細心,眼水都出埋個隻,最頭痛就係要紙駁紙.....後來由於真係好忙,又要做野又要玩,最重要係又要溝女,邊得黎咁多時間?!我又唔係宅男!!!所以就停左研究......當然都重有客串買賣股票啦,到左95年又因工作清閑,睇左好多好多投資書,可惜都係得個睇字......後來股市刺熱,家父又賺左少少錢,於是我就全身入市,不過當時係炒氣氛,技術分析變得冇咩用....之後就PK左,被股市KO左......

  到左08年,由於被迫要全職炒股,咁先至正式運用當年所學同多年所輸的經驗溶入股市,正式開始研究股票,而由於起步已遲,到現在還是初窺門檻,離上岸目標還有很遠很遠.....可能股友們唔知我講咁多做咩?其實我係想由衷咁講...要想學習投資,一定要由基本開始,先看一些書,再從追蹤個股開始.....當你長期追蹤研究幾隻股票時,從中一定會發現和領略到一些技巧,要學習主觀地分析了解個股,唔好聽市場上的任何消息,要做到只信圖表和自己,用自己所知的知識推測個股走勢,根據自己分析的結果買賣,就算錯左都唔緊要,只要控制好注碼,定左止蝕位,睇錯都只係輸少少錢,但就能賺到失敗的經驗,下次就不會再錯,因為你已知道自己錯係邊,咁先會不斷進步......而我覺得唔好聽D股評人或股友吹水(包括小弟),因為只跟他人買賣而冇經過自己細心分析,結果只係錢多左或少左,對個人完全冇幫助,永遠只能停留在某個空間......對於業餘者,由於時間關係,建議只需追蹤5隻較為活躍的個股,用中,長線的角度分析......而有心全職者,就要辛苦D,睇四,五十隻研究,尋找機會......當然我不是教人投資,因我沒有資格,我只係分享小弟的一些經驗,是否正確我都唔知....希望股友們能和我一起進步.......理論完!


投資冇必贏,只求勝算高!

目前持股:3988,2357,1198,826,883,345,1101,2222,697

(2011年7月25日開倉,目的只為自娛和跟老友競賽,絕無推介成份,非誠勿擾!)

十五萬元投機倉 開倉恆生指數:22445
股票代號	買入價	買入股數	沽出價	沽出股數	盈/虧	投資金額
(21/11)2357	3.61	4000				14540
(4/8)826	1.73	10000				17400
(25/7)1198	3.58	4000				14420
(1/8)2357	4.6	4000				18500
(28/7)1198	3.45	4000				13900
(30/11)2357	3.53	4000				14220
(10/8)826	1.63	10000				16400
(10/8)1198	2.71	2000				5420
(6/12)2357	3.48	4000				14020
					總投金額$	128820
					可用結餘$	8415