理論(3)

  話明係理論,即係唔係定論,咁就冇必要提出質疑,各人有各人的睇法,我只係冇野寫搵D野黎寫下啫......



  傳統的技術分析我覺得只係運用"支持""阻力"同"成交量"而變化出黎.....什麼"型態""陰陽燭""趨勢線""波浪理論"等等和一些技術指標,都係用呢3樣野變出黎,可以話係D武功秘笈的最後總訣.....但有睇武俠小說的都知道,秘笈中的最後總訣雖得幾句,但要明白同運用自如就可能要窮一生的精力.......當然可能會有人話"時間"都係分析重點,但我個人覺得除左經濟週期的一些時間理念外,有些氣節,太陽風暴,月球引力等都有D似易經卦象,所以我唔係幾信,如果連呢D都信,咁今年上半年就要攞哂D錢出黎駛,因為除時過唔到今年聖誕....

至於有關阻力&支持就可以回看隨筆篇的"阻力&支持".........所謂阻力可以話係股價係特定時間內升不破的高位,所以絕唔會係一個點,因為起碼要試多一次或以上先可確定為高位,所以又可以叫阻力區,而支持區都係一樣.....當好多人都覺得阻力區應沽貨時,咁股價去到阻力就自自然會有壓力,要升穿阻力區就一定要有強大的買力接哂所有沽盤,所以幾乎所有技術分析書都會同你講,要有大成交升破阻力先叫正式突破阻力,因為大成交表明有人願意用大量資金清除沽盤,咁之後理論上都會有一定升幅....例如恆指就常會聽到股評人用平均線做支持&阻力,因為佢反映左某一段時間內人們的平均成本價,當去到某平均線時就會有人想和盤出場形成阻力.....而升破呢D阻力而買入我就叫佢做"突破買入法",只要突破左人人都應為係阻力的區域而即時買入,理論上係比"偷步買入法"安全.....



   而當股價趺至一個支持區時,由於之前想買貨又買唔到的股民,在股價回至心儀價位時,理所當然地想進場買貨,咁就好自然會形成支持區,而我們也應預期股票跌至支持區時會出現反彈而唔會跌穿底位,所以就作出買入行動,呢個我就叫佢"偷步買入法",但由於股價係處於下跌時段,所以偷步買入係比較風險大,勝率也比較低......而大戶也很懂得利用支持&阻力來設計"走勢陷阱".....待續.


投資冇必贏,只求勝算高!

目前持股:3988,2357,1198,826,883,345,2222,697

(2011年7月25日開倉,目的只為自娛和跟老友競賽,絕無推介成份,非誠勿擾!)

十五萬元投機倉 開倉恆生指數:22445
股票代號	買入價	買入股數	沽出價	沽出股數	盈/虧	投資金額
(21/11)2357	3.61	4000				14540
(4/8)826	1.73	10000				17400
(25/7)1198	3.58	4000				14420
(1/8)2357	4.6	4000				18500
(28/7)1198	3.45	4000				13900
(30/11)2357	3.53	4000				14220
(10/8)826	1.63	10000				16400
(10/8)1198	2.71	2000				5420
(6/12)2357	3.48	4000				14020
					總投金額$	128820
					可用結餘$	8415