無題

  昨晚和友人食飯,有朋友問我有冇D心水股票,最好係D安全既,唔需要大上大落,最好係有得賺既(天啊!咁似早前提及的亞婆??)....咁我好自然咁問佢打算放幾耐,佢話有30%賺就OK喎.....我當然係推佢買航運股同鋼鐵股啦,哈!條友又傻唔哂,識得同我講下經濟....

當然佢講既野我唔會唔知,但買股票有時唔係單睇表面的,係股票市場個個都知既野係最唔值錢的,最重要係睇資金流向,我已多次講出睇好呢兩個板塊的基本原因,這次我們可以用最簡單直接的技術指標來睇睇呢兩個板塊.....相信好多人都識睇"移動平均線",佢可以話係最容易睇的指標,但可能未必人人都知道佢背後的意義,例如點解某一時段的平均線會出現阻力&支持???.....如果留意航運&鋼鐵板塊,已有多隻升破150天平均線,而同期恆指也還剛剛企穩100天線呢,這代表了什麼??.....

    其實平均線是反映資金的持貨成本,而呢兩個板塊的確明顯有資金流入,當然!資金可以隨時離開呢兩個板塊,問題係冇人會知幾時,最起碼我就唔知,散戶係資訊同人才方面都唔及大戶,所以散戶只能跟隨資金走.....但總會有些原因令到呢兩個被散戶唔多睇好的板塊但又有資金流入,我估係風險問題.....由於環球的不明朗,資金便選擇一些低殘的股份,因為要令到一隻股份下跌就要有人沽貨,問題係呢D股份個個都唔睇好,要沽的一早已沽左,散戶一係就已經冇貨,一係就係超高位買的貨,根本沽左都所得無幾,所以基本上唔去到超高位都唔會有咩沽壓,再加上從行業的週期,也有可能物極必反.....基金唔同散戶,佢地倉位大,好多時只有股份不被睇好時入貨,而當人人都睇好時,佢地D貨先有人接的.....我同友人冇講咁多野,因為講佢都未必會明,既然佢咁唔放心,我只好比左隻我幾睇好但又未係時候入的股票比佢....

    另外真係要講講一D板塊,我冇記錯我之前已多次提出唔好買D之前當炒又未出現大跌,同上年資金用黎避險的股票,因為資金今年會換碼....由其睇下公用指數,明顯係同恆指背馳,這點其實不難理解,點解726會跌咁多?唔通真係同I-PHONE有關咩!....有人買左270但唔明點解會跌?....點解3988近期跑贏大市?佢基本因素有改變咩?


投資冇必贏,只求勝算高!

目前持股:3988,2357,1198,826,883,345,1101,2222,697

(2011年7月25日開倉,目的只為自娛和跟老友競賽,絕無推介成份,非誠勿擾!)

十五萬元投機倉 開倉恆生指數:22445
股票代號	買入價	買入股數	沽出價	沽出股數	盈/虧	投資金額
(21/11)2357	3.61	4000				14540
(4/8)826	1.73	10000				17400
(25/7)1198	3.58	4000				14420
(1/8)2357	4.6	4000				18500
(28/7)1198	3.45	4000				13900
(30/11)2357	3.53	4000				14220
(10/8)826	1.63	10000				16400
(10/8)1198	2.71	2000				5420
(6/12)2357	3.48	4000				14020
					總投金額$	128820
					可用結餘$	8415