職業炒股

早一段時間,係街撞到個好耐冇見的朋友,咁就自然吹下水,咁又好自然咁問起大家攪D咩,我好自然又會話我係炒股為生嫁啦.....佢既反應同其他人差唔多,都係出現個愕然死樣,佢問我係米真係得嫁?佢有個老友(我以前都認識)都曾經試過炒股但就唔係好掂喎,問我係米有咩心得嫁,不如教下佢啦!!心諗炒唔掂好奇咩?你估炒股真係咁易賺咩?打份好工有個安定收入好過啦..........

    其實身邊很多人聽到"職業炒股"會覺得很錯愕,那可能是他們對"職業"兩字不了解.老一背的通常都不以為然,因為他們都經歷過多次的股災,可能有些更輸過大錢,由於他們大部分都是摸頂入又唔識止蝕,輸完一次下次又來又係輸, 輸得多就自然覺得炒股係輸多賺小的玩意.....之但係我唔明點解明知輸又會再玩.....到"牛3""5浪"時又再摸頂...情形有D似師奶打牌,唔知點解經常輸重比人叫"水魚"都重係要打,呢D可能就係"貪"字加"唔服輸"心理....但如果同佢地話係做"職業投資", 佢地就會有無限暇想,以為一定好高檔賺好多錢.....同年齡的會覺得炒股就像賭錢般...時賺時輸,根本無可能當職業來為持生計.

    身邊有位朋友是名"職業賭徒"......千奇唔好以為佢會聽"骰仔"變"啤牌"個種... 佢只係好識"買馬"賭波"平日早上過澳門4,5點就返港咁,......佢對買大細,百家樂,好似好有研究,對D馬仔又好似講到頭頭是道....唔知會以為佢係電視講個D"病態賭徙",但佢係以賭錢當職業,佢賭錢係會控制心理同注碼,當黑時會好快走,好運時會玩多手,....總之長賭有錢賺啦.我都係受佢影響所以先全職炒股......(職業賭錢都得,點解炒股會唔得?)

   清潔係職業,運輸係職業,炒股都可以係職業.賺蝕多少就要睇個人做得好唔好有無用心去做.就好似做生意咁,同是賣服裝就有人賺錢有人蝕錢更有人發達.最重要係全心全意咁去做.......有時見D賭馬友賭一次馬可以買幾分報紙睇足三日,重成個馬評家咁好有見地,但買股票就見人買就跟著買,公司做咩都未知.....神X奇!

    其實靠炒股搵D生活費唔難,想搵大錢就難D(因為只係職業唔係專業).要入行都好容易,一定易過做生意.只要睇多D投資書(難唔過會考個D)花多D心機鑽研(好似學打牌,賭馬咁),再加D本金就可以入行..........開始時輸下錢好正常,最緊要唔好大注.就好似剛學識打牌同人地打你都唔會打好大啦,輸錢"交學費"就一定會有,最重要係從錯誤中吸取經驗,建立自己的買賣系統,好快你就可以依靠炒股為生.......我個人覺得最緊要開頭頂到輸錢壓力(所以唔好大注),跟著又要頂到沉悶的生活......因為真係好悶......試想想要每個交易天對著電腦等機會買賣,收市又要對著電腦做功課,得閒又要睇下報紙留意下財經新聞......而且都係自己一條友係家中工作,冇人可以幫你........跟本同宅男無分別.......囉.


   至於成績如何就真係講好多因素,就好似做保險SEALS咁,點解有人可以搵好多客做金牌SEALS,而有人每天為唔夠數而煩惱......個人覺得可能係大家同練一種武功而所領悟和掌握的東西或程度不同吧.性格和心理素質應該都係問題.

   
  我自己都炒左N年股輸過N咁多次蝕過N咁多錢,近幾年因失業而轉做全職炒股,可以話係被迫,初時面對輸左錢但又唔知有冇機會搵返,真係幾痛苦.......但已往的輸錢經驗就對我今天買賣時,控制心理和技巧有很大的幫助.現在總算能掌握一點基本技巧的皮毛.剛夠為持生活......囉.

   (以下係給一位股友的)...有一點真係要再提一提,全職炒股係唔同業餘炒股,大家所受的壓力完全係兩回事,....因為對於業餘者黎講,炒股唔係家庭的主要收入,而全職炒股者賺蝕係直接影響其家庭生活開支所需,唔好講輸錢,就算冇錢賺都可能會影響生活,完全唔同有固定收入或非家庭支柱者可比......記得初入行時我已經很小心,因我知道我係唔輸得,也輸唔起,但小心唔表示會贏,輸唔起唔代表唔會輸.....開頭輸得多時真係好擔心,睇住自己的本金流失,同睇住自己D血流走差唔多,分別係血可以自己制造.....當時的壓力真係大到冇朋友,好彩的是賤內還有收入,否則真係唔知頂唔頂到落去.....所以要成為全職炒手,必須要經過過度期,而呢個過度期係好辛苦的,由期係心理壓力,因為你唔知道你的辛苦是否會有回報,你的工作是否會有收入,放棄的念頭會經常出現添.......SO,真係要諗清楚!

   如果你真係決心要做的話,請由睇書開始,學習一些技術,用實戰來運用,建立自己的系統,但最重要的還是心理質素,要有忍耐力...我自問忍耐力係我最弱的一環,由其當你經常睇市時,對於心儀的個股往往會係未有買入信號前便急於入市,所以經常由贏變輸,呢點我還在改善中.......職業就係要經常睇市經常TRADE,否則就唔係職業,由其係TRADE衍生工具,真係要做到快,狠,準,完全機械式跟足系統辦事,唔可以有個人主觀........要由輸多錢變輸少錢再變賺少錢至賺多錢,呢個過程係一段很長的時間,我個人還在這過程中憤鬥.....



10:40   沽出1828   $9.7





目前持股:3988,2357,1198,826,883,345,819,1313

(2011年7月25日開倉,目的只為自娛和跟老友競賽,絕無推介成份,非誠勿擾!)

十五萬元投機倉 開倉恆生指數:22445
股票代號	買入價	買入股數	沽出價	沽出股數	盈/虧	投資金額
(21/11)2357	3.61	4000				14540
(4/8)826	1.73	10000				17400
(25/7)1198	3.58	4000				14420
(1/8)2357	4.6	4000				18500
(28/7)1198	3.45	4000				13900
(30/11)2357	3.53	4000				14220
(10/8)826	1.63	10000				16400
(10/8)1198	2.71	2000				5420
(6/12)2357	3.48	4000				14020
					總投金額$	128820
					可用結餘$	8385