投資回報率

有股民投訴話前日有大行唱淡航運股同2866,所以前日止蝕左,點知昨日又有大行唱好2866同航運股所以2866急升超過10%,果位股民當然巧唔滿意,巧明顯條友冇聽過"信大行一成,雙目就會失明",如果跟大行買賣係得既,我發左巧耐啦....

昨日有股友問我如果用20萬炒股,平均每月賺2萬得唔得?!我當時話唔得,咁係因為我唔得,但事後想想,呢個只係我個人唔得,唔代表其他人唔得......其實得與唔得係要睇好多因素,先唔好睇技術問題,因為技術可以訓練出黎,但有一點影響最大的因素係個人身家的問題......如果你有好多錢(視乎個人觀點),20萬對你黎講只係少數目,又或你有豐厚的收入,巧容易就賺到20皮,咁對你黎講要用20皮年賺24皮唔難....因為好多人都知道炒股最大的壓力係來自心理,由其當你輸錢時就會影響判斷,呢個係正常人的反應,要刻服呢D壓力唔容易也不是人人都可以做到,要減少壓力而導致出錯就要用注碼來控制......好多人都試過買入一隻股票3,4日就升10%,但唔代表你可以賺你總投資金額的10%,如果20皮對你黎講係好重要,輸左會跳樓的話,你會唔會用黎買一隻咁大波幅的股票?買中電,港燈,煤氣就得,可惜佢地一年波幅都未必有15%你唔會感性趣,相反用20皮中的2皮買D大炒股就經常會.....我巧耐之前講過,要用2皮賺100%巧易,5皮變10皮唔難,但要100皮變200皮就巧難巧難,因為呢100皮對你黎講可能係身家性命,輸左要燒炭果隻.....同樣地如果你唔志在果10皮8皮,你每次一注落一半或全部,咁要每年賺回報率120%就變得巧輕鬆....所以有人覺得自己的回報率高過巴非特就自以為是,咁係因為佢冇股神咁多錢,其實越多錢就越難有高回報,呢D就係控制風險......我真的很敬佩老巴的賺錢能力.....

當然有D專業炒手(唔係職業)會利用衍生工具以小博大的玩法來賺錢,佢地係可以平均賺取巧高的回報,但呢D已係專業級數,風險也極高,有人專利用期指來密食(冇人會用牛熊窩輪),也有人會專用OPTION來揾食,由其LC,LP就最安全也賺最多.....但你起碼要有咁上下實戰股齡,有一道命中效率高的買賣系統,又自問能做到跟足系統TRADE而唔會被情緒左右先可做到.....另外有股友提過全職炒股的問題,呢野就下次有機會先研究......

    驚天48小時即將展開,大升浪快將開始啦!


09:55 買入1313   $5.84




目前持股:3988,2357,1198,826,883,345,819

(2011年7月25日開倉,目的只為自娛和跟老友競賽,絕無推介成份,非誠勿擾!)

十五萬元投機倉 開倉恆生指數:22445
股票代號	買入價	買入股數	沽出價	沽出股數	盈/虧	投資金額
(21/11)2357	3.61	4000				14540
(4/8)826	1.73	10000				17400
(25/7)1198	3.58	4000				14420
(1/8)2357	4.6	4000				18500
(28/7)1198	3.45	4000				13900
(30/11)2357	3.53	4000				14220
(10/8)826	1.63	10000				16400
(10/8)1198	2.71	2000				5420
(6/12)2357	3.48	4000				14020
					總投金額$	128820
					可用結餘$	8385