六大派圍攻光明頂

  
  昨旁晚亞爺突然話減準備金,對市場的確有D驚喜,但其實一D都唔奇....一直都提過亞爺要保經濟根本唔難,只是攪D基建,刺激下內需,最重要係大把放水空間....真係唔明點解有咁多專家唱淡內地經濟,又話咩"硬著陸"喎,巧明顯D人係唔了解國情,唔明白亞爺有幾"硬".....亞爺已經硬左二十幾年,已唔係初出道的青頭仔,經過多年的征戰,可以話係經驗老到,卸女無數,點會咁易爆?....而從亞爺由高位收水至現在底位放水,無論時間,快慢,都掌握得很好,節奏和技巧更勝著名AV男優,好明顯今次亞爺聯同六大派咁有煙茅地一整出手插淡友,絕對唔會只叫兩句"YA媽爹"就停止,應該會插到佢地雙眼反白,慾生慾死,"輸"服哂先會收棍,可恨我已彈盡糧絕,未能加多一棍,只好係場外大叫"奸爸爹"...

雖然話事出突然,但對大戶應該早有部署.....有人話最近大戶派貨中,咁佢地唔明大戶3部曲的部署,大戶部署抽水一般短要半至一年,長就起碼3,5年先完成,我已多次提出大戶未派貨,這點可從時間,幅度,成交睇出....當然當出現突發事件時會出現短暫的抽插,但大勢係唔會變的,就好似"911"時,大市急跌幾天後又當冇事繼續上升咁......而睇我BLOG同吹開水的股友都知我係好友一名,做好友就一定會有睇好的觀點,我唔記得係呢度定MSN已不斷地或多或少提出一些觀點,又正已是第3篇,股市又唔駛睇住,現在便考證一下對與錯......

  很久前提出小弟對歐債的睇法.....歐債雖問題大,但歐盟已伸手求救,唔係關門造車,係現時全球幾乎一體化的情況下,各國領導都極度關注歐債危機,要吹爆佢都唔係咁易,但也不會2,3年平息,期間淡友慾念起時又會攪下佢發洩下唔奇.....而從圖表睇,已指出無論現時是牛是熊,只要確認16000係中期底,就會出現一個由5浪合成的上升浪,至於點解係5個浪就同大戶部署有關...問題係要證實16000係底就要D時間同走勢來考證....首先看圖港股急跌至16000的3天轉勢成交大增下,咩人接左貨?....升穿第一關時出現大成交係咩人追貨?....希債令全球股市急插,但反彈後歐債越來越大獲,燒到最大債仔意大利時,點解大市相對冷靜,冇再試底?....如果擔心經濟會衰退,咁經濟指標的油價理應下跌,但期油冇走弱勢,點解?....港股11月只出過一支大陰燭,當時係意債第1波,跌左1千點成交相對冇之前咁大,到第2波時只趺5百點左右,成交更少,咩意思?...呢個調整浪D十字架多到可以用黎驅魔,如果明白十字星的意義,有留意每日大市走勢就不難估計,出現如此的消耗性下跌證明D貨源係邊?....用傳統知識睇,大市真正散水必先由中小股開始急跌,但睇下呢個跌浪,中小股都出現收集形態,更有多隻創出52週新高,就表明未散水啦.....呢個世界真係茅秘密,睇下呢幾日美股出左完美又強烈的早晨之星,配合港匯的大陰燭見頂信號,表示已有春江鴨走左入場,.....從以上觀點可考證現時港股是否運行1,2浪的收集形態,如果係又幾時先開始行第3浪呢,冇人會知,但今次六大派圍剿淡友,可能便是開始.....但股友最關心的一定唔係以上廢話,而係如果真係行上升浪會見幾多?...可惜我唔係估神,睇唔到未來.....但有一點可以知道,第3浪係大人,第1浪係細路,你話大人同細路比邊個長D?......你唔好諗多左,我係指腳毛....重有一點係第5浪有機會出現失敗形態....當然以上是需要時間來證實,但炒股是冇必勝的,分析大市只係提高勝算,有較多的勝算就有動機入場.

   





目前持股:3988,2357,1198,826,883,345,700,358,1186

(2011年7月25日開倉,目的只為自娛和跟老友競賽,絕無推介成份,非誠勿擾!)

十五萬元投機倉 開倉恆生指數:22445
股票代號	買入價	買入股數	沽出價	沽出股數	盈/虧	投資金額
(21/11)2357	3.61	4000				14540
(4/8)826	1.73	10000				17400
(25/7)1198	3.58	4000				14420
(1/8)2357	4.6	4000				18500
(28/7)1198	3.45	4000				13900
(29/11)358	17.46	1000				17560
(30/11)2357	3.53	4000				14220
(10/8)826	1.63	10000				16400
(10/8)1198	2.71	2000				5420
					總投金額$	132360
					可用結餘$	3425