選股的重要

  最近大跌市,市場太弱留強,通街都係平貨,其實已可以開始作長線考慮,買入一些較平同增長潛力較高的股份,如何選股對將來盈利有極大關係...但首先聲明,我唔係分析師,也不是出色的投資人,我只是一名基層散戶,所以也只能用簡單的方法和有限的資訊來選股...雖然唔可以話會為股友帶來盈利,但就希望盡量唔好輸錢,就算輸...都唔好輸咁多...

呢排由於跌市冇野做比較得閑,所以經常在網上同人吹水,發覺有D網友對買入的股票認識唔多,有D好似連自己買的股票做咩生意都唔清楚,呢下就真係VERY危險...有D師奶去街市買斤生菜都可以走三,四檔夾價,但買幾萬元的股票反而變得隨隨便便...係米好神奇呢?!...買股票當然想賺錢,但講到尾賺蝕都係要靠自己,與其經常問人,不如學下點樣買股票啦....

首先買股票前,請先問下自己,點解咁多隻唔買,係都要買呢一隻?呢點之前我都提過,不過真係要再提多次,由其現在市況....選股票可用基本因素和走勢圖,走勢圖的選股法可看回小弟劣作--隨筆篇的"炒股三大要訣"...而基本面就要睇下自己心儀的股票行業是否有前景,呢D就要睇下佢業績同你對該行業的睇法,當然係會有D個人主見嫁啦,但冇計,投資就要冒評估錯誤的風險...而公司最好係行業的領導者,因為龍頭有競爭優勢,當然做獨市生意就更佳啦...跟住就要作同業比較,睇下心儀股比起同業有冇特別突出或落後,最好避開同業競爭劇烈的股份,最好公司過去兩三年都有高增長,最後當然PE要係單位數啦....睇起上黎咁好的股票好似好難搵喎?!的確!...係旺市時,呢D股票搵到你都未必夠膽買,但家下係賤物鬥窮人,個個要錢唔要貨,可以話係多的是,反而睇你買唔買啫....

講完一大輪野,就要舉下例:比如想買銀行股,呢一刻就唔好買5仔啦,外圍環境咁差,佢係國際性銀行,可以話係四面楚歌,即係前景唔明朗,點解唔買內銀股呢,家下全球經濟盡在中國,買內銀等如買中國經濟,而要買就要買龍頭,如四大內銀,佢地各有所長,邊隻都得,當然小弟鍾愛3988啦....又例如要買水泥股,雖然行業競爭大,但勝在亞爺大攪建設,個餅夠大,即係有前景,咁行業前景已冇問題,咁買就最好買龍頭914啦,而我比較鍾愛1313,因佢亞媽好有米,不斷有收購注資,多左個炒作因素,3323都唔錯,不過負債比較高,隨時話集資就唔係幾好啦...而我一直都叫股友唔好買2233,原因係西北地區水泥產能過剩,價格潛行,毛利自然低,呢D就係同業競爭做成....就算唔睇基本面睇圖已盡在不言中啦,市場D錢係醒目錢黎嫁,現在睇下佢地業績...1313增長220%,而2233只增長15%,高下立見啦,呢D米係同業比較囉....有人想買2628,如果係貪平的話,我之前都提過平貴唔係睇以前係幾多,宜家係幾多而定,係睇佢業務增長的,相比起同業,2318出D數據就好過佢啦,而2328係內險股中就最好,所以股價近期逆市上升,其實1299都OK啦,之前都話過佢係AIG最賺錢的肥肉,如果唔係走頭無路,都唔會攞出黎比大家分享啦,最重要係蟹貨少麻,...唉!....買股票係唔偷懶得嫁,點都要做下D功課嫁,下次買股票前真係試下做D功課,用以上的方法選取股票,提高贏面呀.....我講左咁多野,打到手都軟埋,就係希望股友們可以自己選股,可以經過自己分析買賣股票,有自己的見解,咁吹起水上黎都好吹D麻...當然有人可能會覺得我講廢話,但我冇收錢嫁,睇唔順超可以唔睇,我只希望股友們唔贏錢都唔好輸咁多啫....

目前持股:3988,3938,2357,1198,826,883,856


11:14   沽清856   $1.56

14:37   買入826   $1.29  中線

(2011年7月25日開倉,目的只為自娛和跟老友競賽,絕無推介成份,非誠勿擾!)

十五萬元投機倉 開倉恆生指數:22445
股票代號	買入價	買入股數	沽出價	沽出股數	止蝕價	投資金額
(25/7)3938	0.86	20000				17300
(4/8)826	1.73	10000				17400
(25/7)1198	3.58	4000				14420
(1/8)2357	4.6	4000				18500
(28/7)1198	3.45	4000				13900
(5/8)856	1.83	6000	1.56	6000
(10/8)826	1.63	10000				16400
(10/8)1198	2.71	2000				5420
					總投金額$	103340
					可用結餘$	44010