技術分析能預知未來?

技術分析真是一樣很神奇的東西,有時真係會令人感到驚嘆!點解咁講?因我曾經講過,從技術分析睇,883會見$14.5左右,但當其時我唔多信....再睇返22-7-2011的POST,當時我咁講---"剛回看883的日線圖,發現佢形態上走左個頭肩頂,重係好完美咁黎個後抽再急跌,如果計跌幅應要下跌至$15~14.5左右......不過從基本面睇我又唔係幾相信佢會跌咁多囉,就睇下之後係米真係會出D咩壞消息令佢下跌到位!"---講真當時我點睇佢都冇理由會跌咁多,而睇開圖表的都會知道,好多時係會出現"走勢陷阱"的,所以一般都會用基本因素再配合技術分析來減少錯誤,而當時我覺得從基本面睇係唔應該跌咁多囉....咁之後大市就出現股災式急跌,883重跌穿最少跌幅$14.5,直插至$13.24先停,如果當時我相信分析而沽出883,再係疑似大奇蹟日買回,果度起碼輸少20%過外啦.....


 自己最常用的技術分析係趨勢線&形態,因我覺得佢地係最準同最見效,而"頭肩頂"正正係形態分析中最值得相信同最有殺傷力的,我竟然都唔信,真係豬油朦了心....相信日後都不可信其無,情願為安全走左先,雖然技術分析的預知力唔會百發百中,但中一半都能令你輸少好多或贏多好多....


(以上只是個人偏見,唔同意都無法囉)



09:42    沽清38   $7.37


收市:大市冇咩好講,之前已假設左,今企於20100之上就有望上試21000先....38今日出左業績,的確有D失望,呢隻野買左半年,升過40%都冇沽,估唔到要輸錢分手,激死左!...差D!.....1198今天出業績,已急彈左兩日,雖然未知結果,但早已出左盈喜,反而前景比較重要,惠理條友係3蚊左右不停增持,睇黎佢都幾睇好,唔知有冇我咁貪呢?!.....826其實都出過盈喜,睇佢走勢之前已調整左,26號出業績,有心炒重有好幾日炒下.....3938未出時間表,不過佢經常都係好後下,佢唔係中資股,所以唔洗出盈利預報,但我估計起碼有40%增長,下跌水位唔多,向上水位唔知,等食糊.

YAHOO新回應會排在最後,有D白痴,見唔到回

應請看下一版,如回應文字太長時可能就咁睇

唔晒,只要點按回應最後一個字後小小就會

出晒.

(2011年7月25日開倉,目的只為自娛和跟老友競賽,絕無推介成份,非誠勿擾!)

十五萬元投機倉 開倉恆生指數:22445
股票代號	買入價	買入股數	沽出價	沽出股數	止蝕價	投資金額
(25/7)3938	0.86	20000			0.75	17300
(4/8)826	1.73	10000			1.62	17400
(25/7)1198	3.58	4000			NIL	14420
(1/8)2357	4.6	4000				18500
(28/7)1198	3.45	4000				13900
(5/8)856	1.83	6000				11080
(10/8)826	1.63	10000			1.58	16400
(10/8)1198	2.71	2000				5420
					總投金額$	114420
					可用結餘$	36010