吹下水

   昨日1368出左業績,同以住差唔多,增長左2成幾,滿唔滿意就見人見志,不過派息就真係OK,跌左咁多借消息炒一轉都還可以,但中長線我又唔覺得抵買囉,不過有貨坐下都無妨,始終單位PE...睇返之前"李寧"&"動向"出左盈警,其實已可反映一線同業的競爭都幾劇烈,如果你話對1368,1361呢D二三線為主的品牌冇咩影響就可能言之尚早,如果我係老闆,見二三線原來重有肉食,我可能會向二三地方入手,再加上出盈警個兩檔之前回收左咁多存貨,應會大平賣推出市場,咁又會否對二三線品牌帶來一D衝擊呢?呢下唔清楚,但同業競爭劇烈就可斷定...根據"林森池"的選股論,應避開買行業競爭劇烈的股票,而選擇一些做獨市生意或市場上有領導地位的股票,如"體操王子"之前就有領導地位,可惜家下變左"跳水王子"....

   講開獨市生意,咁388就夠獨啦啩...的確!佢真係好獨,不過成30幾倍PE,又唔係增長強勁,如果唔係夠獨?$50蚊都比多佢...我老豆就成日買佢,有冇賺就唔知,不過佢老人家都有散戶情意結,即係只要某股曾令佢賺過一,兩次錢,佢就會經常向某股落手,值唔值已不重要...但我就從來唔掂佢,亦都叫人唔好買佢,因為我真係唔覺佢有咩好,又冇前景,又冇炒作借口,PE又高,買黎做咩?...趺市成交少,佢自然收入少要趺,乾升成交少,影響盈利佢唔會點升,市靜成交少對佢又冇利又要跌,你有冇見過日日過千億的牛皮市?...佢要等到日日千億成交盈利先會有明顯升幅,不過個下已經係大升市,隻隻都升啦,駛買佢?!佢D業績就年年都比人估到晒,連小兒都識計啦,6個月成交額總和再乘一乘佢都知大概啦,唔好計IPO上市喎,呢D可以話係非經常性收益,其實就一D秘密都冇,咁即係冇憧憬啦,炒股要炒預期嫁麻,冇秘密---點炒!?

   其實家下最抵買最安全就係內銀股啦,對D唔想出出入入年紀大又想抗通脹人士就真係買佢地好過買咩抗通脹債券啦...以4大內銀為例,往績PE得個6,7倍?唔係麻!雖然話有D所謂地方債同股東減持不利消息啫,但以目前黎睇重安全過歐,美所有銀行啦,未來賺錢一定多過佢地啦,有咩理由PE平過佢地嫁?!單係收息已可抗通脹囉...其中3988更係平到離晒浦,PB得個1.1倍左右?有冇攪錯?!人地D銀行仔賣盤都要賣2倍幾3倍PB啦,家下真係半賣半送嫁,話係賤物鬥窮人,不如話有錢冇人夠擔拾!....講明先,我唔係分析師,我只係隨便吹下水啫,也持有3988囉.





YAHOO新回應會排在最後,有D白痴,見唔到回

應請看下一版,如回應文字太長時可能就咁睇

唔晒,只要點按回應最後一個字後小小就會

出晒.

(2011年7月25日開倉,目的只為自娛和跟老友競賽,絕無推介成份,非誠勿擾!)

十五萬元投機倉 開倉恆生指數:22445
股票代號	買入價	買入股數	沽出價	沽出股數	止蝕價	投資金額
(25/7)3938	0.86	20000				17300
(4/8)826	1.73	10000				17400
(25/7)1198	3.58	4000				14420
(1/8)2357	4.6	4000				18500
(28/7)1198	3.45	4000				13900
(5/8)856	1.83	6000				11080
(10/8)826	1.63	10000				16400
(10/8)1198	2.71	2000				5420
					總投金額$	114420
					可用結餘$	36010