換碼

  

    之前都提過大多數股齡唔多的散戶會在趺市時沽出賺錢的股票而繼續持有蝕本貨.呢D係散戶心理,怕跌市時會蒸發利潤但又唔捨得實現虧損.

 

   但其實呢種做法好多時都係錯的......假如你同時買入兩隻股票,幾日後一隻升左10%一隻趺左10%,咁你又等錢洗你會沽邊隻?如果你沽輸錢個隻咁你就算係聰明人啦.......一般人都會沽賺錢果隻...咁係因為多數人都係鍾意賺錢果種快感而又難忍輸錢的痛楚,但有冇想過會升的股票好大機會會一直升,而跌的會一直跌呢?!更有人認為唔沽出蝕錢的股票就唔叫蝕錢呢D奇怪想法......呢個係好難改變的心態&心理問題..........

 

  其實只要資金一直留在股場,(即係呢頭沽完果頭買第隻)咁今日無論賺蝕幾多都只係浮動賬面數,除非你賺左錢就馬上離場,等到大跌至底位時先再入場.....偶像講過一句真係好有意思的話."真正賺錢的人,不是在升市時持有幾多股票,而是在跌市時有幾多現金係手"

 

  既然資金一直留在股市,咁理論上沽出弱勢蝕錢的股票而買入強勢賺錢的股票米唔算蝕錢囉?呢個米叫做"換碼"囉!如果用左呢D想法....係唔係個心好過D呢?........係就係自己騙自已嫁啦....但如果心理真係覺得舒服D....咁就請盡早沽出不段蝕錢的股票,換入將會為你帶來利潤的股票吧!!!

   (以上只是個人偏見,唔同意都無法囉)



後話: 昨晚亞伯話冇QE3,其實都唔係出奇,之前個個都應為亞伯會出QE,但從近期美國出D經濟數據睇,都唔係好差啫,QE對全球的影響好大,從推出QE2黎睇,真係有D害人而又唔多利自己,唔係迫不得意,亞伯都應該唔會出住,家下佢老人家玩下太極,想拖下拖下睇多D數據先,始終各國都有壓力.....而美股就先急跌後回升,出現單日轉向,只是成交唔多啫,但對港股有冇幫助就都係好難估,如果最近想睇住美股黎炒港股,就真係會十分失望,美股呢個星期升左4%過外,但港股只升左1%........都冇,真係死未!明顯係大戶主導左一切,所以呢排都唔好估市,短線等待信號或用基本面買賣作中長線投資.......

   技術上多日前已指出美股出左第一個見底信號,港股雖然跟唔足,但同樣出左第一個見底信號,也建議短炒可少注入一注貨,升穿20500出第二個信號可加大注碼,跌穿18800止蝕,中長線就每跌1千點加一注.......這個建議呢刻都唔會點變.

目前持股:3988,3938,2357,1198,826,883


收市:    大市今日升左2百幾點,在轉倉期好友推高D結算,淡友又想食糊,彈上20000點結算唔奇......826出左業績,都算OK,只係冇期望咁好,毛利跌左DD就有少少可惜,但現價唔貴,可以一守,如跌至$1.19樓下再加注.....

(2011年7月25日開倉,目的只為自娛和跟老友競賽,絕無推介成份,非誠勿擾!)

十五萬元投機倉 開倉恆生指數:22445
股票代號	買入價	買入股數	沽出價	沽出股數	止蝕價	投資金額
(25/7)3938	0.86	20000				17300
(4/8)826	1.73	10000				17400
(25/7)1198	3.58	4000				14420
(1/8)2357	4.6	4000				18500
(28/7)1198	3.45	4000				13900
(24/8)826	1.36	10000				13700
(10/8)826	1.63	10000				16400
(10/8)1198	2.71	2000				5420
					總投金額$	117040
					可用結餘$	30310