23-8-2011

  昨晚和友人食飯,有條友問我個市見底未,會跌到幾多點...哈!真係好笑,如果我知就發達啦,條友已經唔係新手,都見過大時代啦,咁都問得出,證明連老手都慌慌地,咁就有可能快見底啦.股市最迷人之處就係你估佢唔到,咁先至輸死D聰明人....家下係恐慌市,根本唔能夠用技術分析,我呢一刻話18000有支持,可能唔夠兩日就跌穿,所以根本冇意義,現在只能用基本面和經驗來買股....其實只要知道幾點就夠,經過十幾年的股場浮沉,我只知家下好大可能係度洗緊牌,將冇能力持貨的投資者手上的貨震出黎,當老手都睇淡時,大市就離底不遠了.另股市會經常出現不理性,唔係高到不合理,就係跌到冇朋友,呢D就係鐘擺理論,其實即係洗牌,升到不合理時貨入弱者手中,跌到冇朋友時貨入強者手中,呢個係股市千載不變玩法,所以點解咁多成功投資者都係睇長線...現在策略只有兩個,一係等市場話你知佢已經見底,一係用平均買入法作中長線投資,之前果D唔計,如果呢一刻開始每跌一千點買一注,就算跌到11000好未?咁平均都係15000左右,之後要升回22000唔難啫....


  昨日股市出現左散戶大逃殺,多隻2,3線散戶愛股出現跳水式急插,成交接近900億,開始洗到D強炒股,由其水泥,賭業,珠寶金業等,兩日高低位都超過兩成...之前都多次提過要小心呢D股,因為呢D強炒股散戶重有利潤,大戶一沽就會出現不問價跳車,反而之前跌得多的股出現回穩,再睇下RSI已出現底背,的確有機快完成右腳,不過上邊都講左,現時係恐慌市不能盡信,但短炒可以少注玩下,升穿20500可大注D...

(2011年7月25日開倉,目的只為自娛和跟老友競賽,絕無推介成份,非誠勿擾!)

十五萬元投機倉 開倉恆生指數:22445
股票代號	買入價	買入股數	沽出價	沽出股數	止蝕價	投資金額
(25/7)3938	0.86	20000				17300
(4/8)826	1.73	10000				17400
(25/7)1198	3.58	4000				14420
(1/8)2357	4.6	4000				18500
(28/7)1198	3.45	4000				13900
(10/8)826	1.63	10000				16400
(10/8)1198	2.71	2000				5420
					總投金額$	103340
					可用結餘$	44010