2012

    2012係指小弟對2012年股市的預測,當然我唔係經濟學家,學術性既野留比佢地講,我只係講D自己的諗法.....大家都明白過去一年環球經濟都唔係幾好,恆指一直潛行,主要都係受歐債影響,又擔心亞爺會硬著陸,同美國有機會來個雙底衰退云云.

 1.一直都提過歐債問題要一次解決幾近茅可能,但從各國領導的態度睇,應該係會不斷反覆,但偏向好的一方.

 2.美國經濟雖然唔係幾好,但從最近一些經濟數據睇,有反覆回穩績像,這點美股已反映中....加上2012係美國大選年,而根據過往紀錄,大選年美股有70%機會係上升,加上奧斑馬想連任就有D機會迫亞伯出QE刺激經濟.

 3.內地經濟有明顯放慢勢頭,係保八維穩的政策下,憧憬亞爺會放水,反正之前留左咁多彈藥,唔係為左唔掂時放水為左咩?有水就自然會生,加上上證指數已跌至10倍PE,唔好車望佢會跌到7,8倍比人上車,佢家下只係五行欠水啫.

 4.經過一輪環球的贖回潮後,要沽貨的都已沽得八八九九,相信好多投資者都係到等機會,等市況唔會太差的時候就會忍唔住入市,加上今年絕大多數股票基金都表現唔好,來年都會相對地比今年勇進,因為唔會有人希望連衰兩年,不要忘記,基金經理炒的不是自己錢,佢地係靠年尾花紅開飯,佢地怕冇錢贏多過怕輸錢.

 5.經過美國亞伯兩次QE後,目前市場其實係有巧多資金的,再加上亞伯的超低利率,而歐央行也曲線QE,超低息借錢比銀行,增加市場沒流通性....所以錢變得唔係問題,投資者只係擔心歐債而唔敢投入股市,但人性係貪心同喜愛冒險的,只要市場淡化了不利消息後,最終股票都係資金會游去的地方.

    由於我覺得環球最恐慌的時刻已過,所以覺得港股應會反覆上升(希望股友明白咩叫反覆)...以目前恆指PE10倍睇,只要明年公司沒有倒退,咁合理PE便是13~15倍左右,也即24000~27000點左右......至於比較睇好又安全的板塊應是航運股同鋼鐵股....E~??航運唔係受歐美經濟影響冇運行咩??就算美國經濟有好轉,但歐洲各國未來幾年都會緊縮開資同削赤,航運理應有排都唔掂喎,鋼鐵就因經濟唔好而國內鋼鐵價格下跌又產能過剩咩???相信你問炒開股的師奶都識咁答.....問題係連師奶都諗到既野,冇理由其他人諗唔到,如果真係冇人睇好,咁理論上航運同鋼鐵股股價理應江河日下,不停創新低先至反映市場睇法,但睇下最近呢兩個板塊都有資金買貨,呢點從圖表可以睇到,唔通D資金蠢過C9??無論市場點唱淡,但資金的進出係騙唔到人的,記得我提過"中線睇趨勢,量比價先行"嗎?呢幾個字係炒股必記的口訣......其實鋼鐵股已反映內地可能會大攪基建增加需求,同行業的整合途汰.....而航運業也不是單向的,只要睇下97亞洲金融風暴後,南韓點解會咁快跑出黎就知,歐洲也有可能出現如此情況.....股友們最緊要留意,當有壞消息都唔跌時,傳統智慧就話比你知已見底或離底不遠矣.......總知學"巴非特"講,當最多人唔睇好時你去買就冇死錯啦.


10:00   沽出819   $3.58 可惜!


12月分交易費$1,370....實現淨利潤$2,990



投資冇必贏,只求勝算高!

目前持股:3988,2357,1198,826,883,345,1368,297,82

(2011年7月25日開倉,目的只為自娛和跟老友競賽,絕無推介成份,非誠勿擾!)

十五萬元投機倉 開倉恆生指數:22445
股票代號	買入價	買入股數	沽出價	沽出股數	盈/虧	投資金額
(21/11)2357	3.61	4000				14540
(4/8)826	1.73	10000				17400
(25/7)1198	3.58	4000				14420
(1/8)2357	4.6	4000				18500
(28/7)1198	3.45	4000				13900
(28/12)82	0.97	8000				7840
(30/11)2357	3.53	4000				14220
(10/8)826	1.63	10000				16400
(10/8)1198	2.71	2000				5420
(6/12)2357	3.48	4000				14020
					總投金額$	136660
					可用結餘$	545

2011

 唔好以為我講2011年的回顧云云,因為根本冇野好講,"2011"只係我屋企個門牌號碼,哈哈!....講笑啫......2011年相信好多人都或多或少會輸錢,而我目前都賬面虧損25%......不過我就從未擔心過,因為我知道手上的股票只係輸左時間,但輸就係輸,輸時間都係輸,因為炒股好多時贏輸就係睇時機,自問入市時機的確係差到冇朋友.....

    過去呢年我個人做錯左好多野,最主要係策略出左問題,呢點同個人性格有關,要改變都唔係一時三刻的事,只好盡人事,希望明年能減少錯失......有人講過炒股要小成最少要炒過5年股,要有大成就最起碼要有10年炒股經驗,我講的係真正炒股而唔係客串炒股,意即每天對住股市同研究.....呢點同有人話要經過2次大型股災都死唔去先至可以係股市生存道理一樣,因為股市正係10年一個大巡環......97年股市跌左60%,07年股市跌左66%呢D先叫股災,所以今年呢個我只叫做較深的調整.....

    很不幸地我個人正式炒股都只係經歷過07果次,97年時雖然輸哂我20萬身家,但當時我唔係全職,所以到07年時都未學乖,雖然唔係最高入市,但就跌至18000時已開始買貨,最後當然坐到想死啦,好在不出2年就返本有錢贏,但就錯失時機,輸左時間....而今年錯的也是時機,因為我錯估左調整幅度.....如果從10年時間巡環睇,現時應該行緊牛市,波浪運行1,2浪中,從人性角度睇,剛經歷大熊後,投資者還是很小心,未出現頭腦發熱,因此唔會咁快又熊市,所以每次大巡環都要10年時間才令人忘記歷史.....所以我唔怕等,只擔心冇命等,哈哈!

如果要我講今年最錯的決定,就係唔應該用短炒的資金黎作中線投資,呢個係完全違背左當初分開3個戶口作投資的原意,現在想重整可能要等一段時間,變左又錯失好多機會,有點被困的感覺......自問短炒至係我的專長,家下冇錢就識飛都茅X用啦.....我現在的新年願望係想3月前重整倉位,取回短炒資金,手痕時就炒下期指,搵機會投機股票...


投資冇必贏,只求勝算高!

目前持股:3988,2357,1198,826,883,345,819,1368,297,82

(2011年7月25日開倉,目的只為自娛和跟老友競賽,絕無推介成份,非誠勿擾!)

十五萬元投機倉 開倉恆生指數:22445
股票代號	買入價	買入股數	沽出價	沽出股數	盈/虧	投資金額
(21/11)2357	3.61	4000				14540
(4/8)826	1.73	10000				17400
(25/7)1198	3.58	4000				14420
(1/8)2357	4.6	4000				18500
(28/7)1198	3.45	4000				13900
(28/12)82	0.97	8000				7840
(30/11)2357	3.53	4000				14220
(10/8)826	1.63	10000				16400
(10/8)1198	2.71	2000				5420
(6/12)2357	3.48	4000				14020
					總投金額$	136660
					可用結餘$	545