很多散戶都喜歡做DAY TRADE,由其係外匯及期貨交易,原因有很多,但相信最主要是因為唔想冒太大風險,也有些人可能是過下日神.......咁有人會話做期權都可以冇咩風險......但由於我學炒股時未有期權呢家野,所以唔識......又由於我知道根據統計,玩期權輸錢的絕大部分都是冇咩風險但回報可以極高的LONG,而大部分贏錢的都是賺錢有限但風險無限的SHORT.......也即不合乎唔想冒險的主指,而且散戶做LONG好難賺錢(只是小的應為),所以一直都冇打算研究.........
為什麼說大多散戶做外匯期貨交易都做DAY TRADE是因為唔想冒險呢?試想想大部份外匯及商品期貨都是全天侯的,除非佢唔需要上床,否則一覺醒來除時大出血,因為除時會出現"黑天鵝"事件......而股市期貨一般炒得薄的散戶都不會過夜,我自己就因試過股市第二天出現大幅底開而大出血,之後便一直炒期指只做即日.....除非係做沽家....就我所知其實好多老散戶都係炒DAY TRADE,每日賺小小都不知幾過癮......
炒即日的好處係唔洗冒第日大跌的風險,但也自然享受唔到第日大升的好處.......但炒股票DAY TRADE又唔同,因為股票係可以守的.....又因為股票買賣成本高,波幅又未必一定夠,有時即日又真係未必有肉食,可能要冒小小險睇多日.....所以做DAY TRADE股票係比期貨難賺錢,但又相對地比較安全.
就炒即日個股而言,我的做法一般都是在開市前睇睇有留意的個股,大概40隻左右,然後從走勢上選擇上升勢頭的個股,再從K線圖中留意那些個股即市上升機會大D,再從它們的昨日開市,高,低和收市位,再留意觀察即日開市,高,低和即市平均價位而決定DAY TRADE的買賣策略,當然能配合大市上升勝算更高.....可能有人會覺得好煩,但其實做多左好簡單.....但有一點就是炒個股即日係要比較重手D,因為很多時可能只有2~3%賺就要走,唔大注D連手續費都未夠......所以好多散戶都寧願選擇對散戶唔多公平的牛熊證或窩輪做DAY TRADE.......
老實講,要在股票賺D小利唔難(我覺得),唔同話賺多錢,因為要賺多錢是需要有遠見,擔識,不貪小利的心理.......賺小利只需看準時機入市一博,不要貪心,一感到不對勁賺蝕都要馬上走人,等下一次機會出現......只要尊守做到這點,基本上是唔會輸(平均),長賭長贏,同入賭場賭錢和任何同賭有關的一樣道理........但最重要記住一點係你只係想賺D小利,唔好大貪,每次唔好太大注,有利潤即走,唔好鬥氣,唔好唔認輸,盡量唔好令自己輸錢,就算輸都唔好輸咁多.......咁要長期賺小利已沒有難度,賺幾多就要睇運氣........當然選擇買入時機至係勝負關鍵,這就建基於對炒賣的技術了......
(以上只是個人見解,不同意都冇計)
目前持股:3988,3938,2357,1117,1198,1157,883,1313,,868,38,210
10:03 沽一注210 $8.69
14:24 沽出一注1313 $7.7
收市:大市已連續多天未能突破大陰燭,真係有D悶,唯跌市成交不多還好,向上定向下比例覺得係55:45......1313在阻力前多天未能突破,已有水泥股發盈喜都未能突破,安全計只留一注睇下點.....210已很超買,但還是很強,唔通有好消息乎?......1157今天派左紅股,睇多幾日,或會加注......38將會上試$11樓上,明天如有回吐或短炒......1198還可以......868冇咩力,放左止蝕位.....1117點解重唔爆?佢再唔爆就我爆.......粗口#$%^&
沒有留言:
發佈留言