贏間廠,輸粒糖

       見過很多散戶炒股都會"贏粒糖,輸間廠",點解咁講?.......因為包括家中父母在內,很多散戶原本買入一隻$1蚊的股票,打算$1.05~$1.1左右就止賺,點知買入後股價不升反跌,跌至$0.9時就會想如果能回升至$1蚊就平手走人,但股價往往反彈至$0.97左右又下跌至$0.8,於是又心想這次如能反彈至$0.95就輸小小當羸.......跟住股價又跌至$0.7,這次直頭放棄了....長線投資吧,總有一天能返家鄉的......咁樣原本打算贏幾個%就變成輸幾成,重唔叫贏粒糖,輸間廠乎?這是初哥或停留在初哥佳段常見的心理......

       又有D係"贏把遮,輸架車".....例如$1蚊買左隻股,原本打算升至$1.2走,定$0.9止蝕,到左止蝕位止蝕左就係冇計啦,咁樣本來係冇咩問題,但有D係每次未升到目標價就走人.....好似$1蚊買升到$1.1回調到$1.05又或升到$1.15回調至$1.08就驚賺小左走人.....永遠賺時賺得小,止蝕時輸得多,咁米就係贏把遮,輸架車囉......就算命中率有70%都冇用,都係成日會輸錢,這是有D炒股經驗但又未能突破賺多錢的佳段.......

       要解決"贏粒糖,輸間廠"的問題首先要學董止蝕,學止蝕的過程是很痛苦的,但沒辨法,要成功炒股最重要便是學識止蝕......之後先至進展到"贏把遮,輸架車".....要解決第二個問題首先係要刻服貪小便宜心理,唔好成日驚股票會倒跌或打回原形,要刻服呢個心理的確唔係咁易.....一隻由$1蚊升至$2蚊的股票,通常中途係波浪形式的反覆上升......你一定要明白股票在上升過程中一定會有回調,只要唔洗輸,不防持有至最後一刻,要有大不了打和罷就的想法......要忍受利潤減少或消失的確很痛苦,但人是有重複的習慣,只要成功過一次,下一次就比較容易再成功.......

         有冇試過買一隻個股賺過30%利潤呢?如果未試過即是你的忍受力有限,比較貪眼前的小便宜,你所欠缺的便是一次成功的體驗,只要你試過忍得住貪小便宜的沖動而成功賺取到30%利潤,你便會深深記得賺這30%的快感,你下次又會知道只要忍一時之小貪是有機會賺取更多錢的......這是一個由初哥變老手必須戰勝的心理,只要習慣了大貪,慢慢地你就會更加貪,由30%~50%~75%~100%咁越來越貪,只要大貪的心理能戰勝眼前的小貪,你便能"贏架車,輸把遮".....跟住就"贏間廠,輸粒糖"啦.

                                             (以上只是個人見解,不同意都冇計)

                 目前持股:3988,3938,2357,1117,1198,1157,883,1313,,868,38,210

          唔知有位老友佢係寸我定真係問我......佢話我講得咁易點解體育股會咁失敗喎?!....唉!其實我係隨筆第三篇已講過,上年有段時期我想學人長線投資,唔想太多出出入入,而當時體育股睇基本面係增長很好,見人賺得多又想學,於是便買入囉.....點知自己性格比較急進,環境因素又唔同,EQ又唔高,經常出現思想鬥爭,根本唔識合作長線投資,所以便放棄了......而以上投資也出現多個錯誤,但既然已投資左,咁只好根據策略跌20%止蝕囉,但1361由於唔認輸心理(失敗),所以跌左30%先止蝕.......所以我現在已不再有長線的心態,因為真係唔合河車,都係要用返自己個D炒賣系統.......每個人都應要因應自己的個性而有自己的一種炒賣方式,賺蝕之餘,自己都要炒得開心.......

                             10:38      買868短炒      $8.11

            收市:   868短炒守$8唔理佢.....2357跌落$4.6好想加注.....忍!.....210,1313,1198,1117都算OK....38有基金增持,走勢幾強....883係指數股係要跟大市趺,冇事......3938上次試盤,今天回吐,就快爆.....希望!......內銀續趺,無計,最弱佢地,要造低個市,唔沽佢地沽咩?.....中線唔理佢,今日重收左息.....