阻力&支持

          記得早期提過在支持&阻力位買賣,咁點解股價有時去到支持位會反彈,但去到阻力位又會回落呢?如果唔清楚我或許試下講講.......要很有技術咁講我又唔知點講,但我就舉一個生活上的實例來解說吧.

          我一家三口都很愛吃榴槤,而最近超級市場已有榴槤賣,我每次去超市都會睇下賣幾錢.......記得四月分時,榴槤在惠康賣$7個幾,那時我都時不時買個回家食,後來到左5月分時,突然見到榴槤賣$6個幾.......嘩!....重係"金枕頭"啊.....平過街市水果檔好多呢,於事就叫老婆一齊買左4隻返家慢慢食......係一日一隻,到星期五又買多兩隻,第二日朝早食一隻,晚黑食一隻......之後隔左一星期又想食,便再到超市想買,點知賣成$8.8.....嘩!有冇攪錯,咁貴嫁?!於是冇買.....不過都重有好多人買.....到下個星期再睇還是$8.8....又冇買.....又一星期過去,其間都有去睇下個價...冇變.......有日星期六在家中唔知食咩?老婆同個仔都話好想食榴槤.....於是就決定去超市買啦.....點知去到一睇賣$9.9.......嘩!有冇攪很錯....短短兩個月唔夠由$6個幾上到$9.9....米貴左4成幾5成?......你估最終我有冇買來食呢?.........請以一個炒股人的心理來想.....

          好啦....到左昨日走去超市買野時,都重係賣$9.9.......咁其實我已經可以假設榴槤個價已經見左短期頂,....問題係佢會唔會跌價,而佢係$9.9呢個價可以企多久就要睇下市場購買力同供應量啦........而當供應同購買力平衡時,$9.9呢個價就好難回落,但當其中一方力量轉弱或轉強時,佢就會向上或向下突破囉.....如果向下突破而供應冇變時,也即是說$9.9開始有人覺得貴唔買佢,咁$9.9就會變成阻力,佢就會向下調整.....下調第一個價就係之前試過的$8.8,理論上之前由$8.8升上來,咁呢個價就應該有支持,但問題係人有期望的,有D人見佢突然平左會馬上買,但有D會覺得之前見過$6個幾,就算見唔返都期望會見$7個幾啦....咁就會有D人只睇不買等多下......如果$8.8都重係購買小供應多就好自然要下試$7或$6個幾.....直到找到供求平衡價......如果去到$6個幾我應為已是合理或超平價,相信我會又買幾個回家吃.....而當$6個幾已好多人買時,在求過於供的情況下佢又會回升....咁$6個幾就係榴槤的支持位,咁榴槤的合理價值就係$6.X~$9.9這個波幅區了.

        但當榴槤向上突破$9.9時,有可能是突然出左對榴槤的利好消息....例如突然有專家話食榴槤可以抗衰老OR抗病毒等等,雖然可能性不大,但價格如果突破阻力位$9.9......咁幾可肯定供應一定大幅減少,雖然已好小人買,但由於求還是多過供應時,自然會賣貴過$9.9,如果供應長期唔回復正常水平,慢慢連我呢D咁理性的人都忍唔住每次見$9.9就走去買時.......咁$9.9就會變成每次回落時的支持位.....再慢慢人人都已見慣$9.9呢個價後,又開始有D人相信專家吹水以為食榴槤真係可以醫病時,咁就會越來越多人覺得$9.9係合理價,甚至會有人覺得平時,便開始越來越多人買了.......榴槤便會開始步入上升浪,每次的回調便只會吸引更多人買了,反之就形成下跌浪........係唔係經常買賣股票時都遇到咁樣情況呢?.....現在明白支持&阻力的形成過程嗎?........我已就快忍唔住要入市........買榴槤了!

                                       (以上只是個人見解,不同意都冇計)

            目前持股:3988,3938,2357,1117,1198,1157,883,1313,1361,868,38,716

       6月份(唔計期指倉),連手續費$2990元,實現淨虧損$20180元.....虧損主要來自沽出瘀血1368虧損1萬多元,止蝕82虧損9千多元和止賺1157帶來的5千多元假虧損,咩叫假虧損?.....由於1157都是除淨前買,不計息10送3紅股除淨後股價跌3成,所以止賺後賬面都係虧損,但下月將會收到零成本的紅股,幾時沽賬面都係賺.......現在4月份的盈利,慘被5,6月的虧損剛好虧晒,的確令人心酸......真係"好天收埋落雨柴"......過去的已過去,想都冇用.....展望7月份,再出現虧損幾會極微,因大市再大跌的機會不高,而且手持的股票很多都有利潤,而唯一的瘀血1361應該不會沽出,3988是中線投資,可以話係唔賺錢都唔沽出......我對自己下半年充滿信心,冇10萬8萬落袋我就...........

                      09:39       買38短炒       $9.84

                      15:40       沽38短炒       $10.16

                      15:49       買2357短炒   $4.67

      收市:  港股跟外圍大升,在22800左右有D壓力,成交冇大增但保持多,也即說重有購買力,企得住22700之上,有望升至23600.......38今天被壓於$10.2之下,短炒有利潤先賺.......1157走勢幾強,有機回至$14.7已可入市一博......3938未能突破$0.88有點可惜,但應該就快......2357好似想升,入一注博一博,明天可能再加注.......其他股票都算OK.......7月第一日賺左錢攞個好意頭先,跟住陸續有來.......一定.