2011年7月31日星期日
無聊假期
連續兩天假期都係一條友係屋企,無聊到睇晒D放左好耐都冇時間睇既戲....近年可能年紀大心血少,已冇睇D恐怖&驚嚇片,連劇情片都少睇,多數都係睇D科幻特技片多,貪佢有視聽效果,配合投影同數碼音效又真係幾享受下....不過連睇兩日就咩都唔夠睇,連有部叫"告白"的日語劇情片都睇埋,不過原來最好睇係佢....睇完令我個心好唔舒服,可以話係有D顫慄,如果後生十年應該唔會有咩FEEL,但作為家長就真係有D心驚,因為會用父親的心理黎感受劇情...就好似睇"唐山大地震"咁,如果唔係用家長的心景睇,係感受唔到片中主角母親的偉大和感人....雖然話"告白"係近期最令我心悸的一部戲,但佢始終只係一部戲,訓醒覺又冇件事,比起溫州高鐵事件,鐵路部的做法就更令人不安,更加不寒而慄,影響太深遠了.....
"告白"片中女主角"松隆子"既戲就冇野好講,但佢個人就真係老左又肥左好多,有點歲月不留人FEEL....記得當年睇日劇"悠長假期",我雖然係鍾意"山口智子"多D,但佢都算係青春可人...現在睇"大和號"亞"木村拓哉"個樣好似冇咩點變,點解"松隆子"變左咁多既???...唔通係保養問題??
2011年7月30日星期六
死跟乎?
記得10幾年前(十幾歲),當期時都好鍾意同朋友"打麻雀"同"鋤大D"......以當時的年齡,當然冇咩可能玩得叻啦,但同D同齡的朋友玩就冇咩大問題,上落都係有限錢....出社會工作後,就經常輸錢了....有段時期經常放工就同D工友"打麻雀",有條友就真係經常贏錢,輸左幾次我就知道條友應該係高手(以我當時的級數睇),之後每次條友出現我都讓比其他人打,我就企係條友後邊睇條友打......開頭睇就真係唔係好明,我覺得應該係咁打時但佢又有唔同打法,唔明又只好自己諗下,跟住次次都係睇佢打,睇左咁上下時間後就開始明啦,開始有啲HIGH,HIGH地啦,因為當時真係好興奮,覺得自己學到野啦....睇左一段時間後就覺得冇咩好睇啦....之後同其他人打都開始贏多輸小,連左近的師奶殺手都有得同佢地打下.......轉工後就變左經常"鋤大D".....發覺原來"鋤大D"重好玩,不過都係經常輸錢,之後我又用同一方法睇高手玩..........
講左咁多野都應該FEEL到我想講咩啦!......好多時係D電視,電台度都發覺好多散戶都會聽人推介而買賣股票,升就自然哈,哈,哈啦....但輸時就會打電話去話亞邊個邊個話好,點解會跌嫁,宜家應該點做呀?......其實媒體同網路上都經常會有人談論股票,如果只係一味跟人買賣,咁就輸贏都唔知係咩事,贏時唔出聲,輸左就走出黎哇哇叫,又話人地害佢,又話推D垃圾股云云,由其在他人地頭發花顛個D就真係頂佢地唔順,好似令佢地賺錢係好應該咁.....如果錢真係咁易賺重洗出黎打BLOG咩?,早就去左嘆世界啦---傻佬!我敢講呢D人永遠唔會在股場有立足之地......佢地根本從心態上已經出左問題,我諗如果有人隨口講6個NO.,我估佢地都可能以為實中咁攞呢6個NO.走去買六合彩.....因為佢地只能依靠他人為生,冇經過自己思考和分析,只係一味死跟.......
其實我覺得正確心態應該要從比自己強的人身上學野,例如見有人推介個股時,就諗下點解?條友係米老吹?推介既原因係咩?諗下條友仔係米真係講得通?.....自己都覺得OK時米買囉,咁其實米即係自己決定買既!咁米冇得賴人囉!......咁買個時都要睇下人地比咩價入,點解條友會係呢個價位入?呢個位係米有技術上的支持?如果條友係高手就一定有佢既原因,咁就自己留意同研究下,從中可能就會學到野,咁下次遇到同樣情況人地唔講你都知係入市位啦,咁米即係知道自己點解會買囉.....人地沽貨時又同樣咁研究下,下次你又會知道點解咁樣情況係要沽貨,咁長期落去,你就唔會再唔知自己做咩,而係知道自己點解會賺錢,點解會輸錢,自己做分析和決定買賣位,而唔係得個跟字囉......咁成績如何就真係要睇個人下的苦功同領悟啦,睇武俠小說都係咁講嫁啦......但起碼輸贏都知道-----"點解"麻!
(以上只是個人吹水,唔鍾意都冇計)
目前持股:3988,3938,2357,1198,38,883,2222,856
7月份連手續費2,680,實現淨虧損4,826......虧損主要由於沽出1361蝕左2萬多,如果用圖表睇就係"三連陰"....但其實今個月我已經幾滿意,而現在已解決倉中最大的瘀血後,相信再出現大虧損的機會不大.....下半年應該唔會再見紅的....
註:如不能留言或出唔到大頭相和假名.....
請到自己個BLOG度UPDATE新版YAHOO
(2011年7月25日開倉,目的只為自娛和跟老友競賽,絕無推介成份,非誠勿擾!)
十萬元投機倉 開倉恆生指數:22445 | ||||||
股票代號 | 買入價 | 買入股數 | 沽出價 | 沽出股數 | 止蝕價 | 投資金額 |
(25/7)3938 | 0.86 | 20000 | 0.75 | 17300 | ||
(25/7)2222 | 4.17 | 5000 | 4.02 | 20970 | ||
(25/7)1198 | 3.58 | 4000 | NIL | 14420 | ||
(27/7)2222 | 4.1 | 5000 | 20620 | |||
(28/7)1198 | 3.45 | 4000 | 13900 | |||
總投金額$ | 73310 | |||||
可用結餘$ | 12790 | |||||
2011年7月29日星期五
29-7-2011
港股已連續三天收於50天線之上,基本上可確認突破,在外圍大跌的情況下都有如此強勢,可想到大戶的力量是多強,真係要你升你唔可以唔升,點解會呾強呢?.....我想是因為之前大戶惜歐債問題插低大市收貨,部署炒業績,因大戶已預期大部分公司業績應有兩,三成增長,而港股PE都只係12倍左右,如加上增長即只有10倍樓下,咁都重可以造淡???而美債問題應係黑天鵝事件,因為冇人會估到平時都係咁提高上限嫁啦,點知今次會突然玩野!.....咁大戶都造左好倉收左咁多貨,根本轉唔到身,唯有死頂炒高,博兩党只是玩野最後都會通過,而從昨日3點後的大市表現看,大戶炒高決心不變,除非美債真係爆冷啦.....
15:22 沽清210 $8.44
15:46 沽清1117 $2.38
收市: 大市冇野講,只係跌130點你重想點??沽清210&1117係因為睇唔通呢兩隻野,睇唔通就沽左佢,由其1117真係令我好失望,每次沽清前都會再睇下佢地既資料,發覺1117上市時已無咩人買,USB係2.38~2.8被迫接左好多貨,雖然唔知佢派左出街未,不過睇唔通都係止蝕好D,留多D錢力炒2357,2222,1198,3938,856.....
早前沽清左1313,已有人問我話水泥股當炒,但我當時已講左,係咁多利好消息下佢都唔多升就已經要小心,走勢上唔合自己要求就只好走人,呢幾日水泥股都有見短期頂之像,最新消息係內地水泥價格已連跌多星期.....咁現在終於知道水泥股走勢有異的原因了.
今日有老友MSN問我1198呢幾日跌好多有D擔心喎.....唉!....其實我一直都唔想講股,因為我唔係推介個股,我只係自己炒股......不過都簡單講下我買佢原因.....如果睇1198上年全年業績,每股賺$3.28角,而佢賣傢俬既,國內樓市需求大,買樓換樓都要買傢俬的,所以應該有消路,最大問題係成本&人工上升啫,但睇返佢剛出左盈喜,上半年盈利增加左40%以上(如果佢冇吹水),咁我假設佢下半年同上半年差唔多,咁全年就每股應賺$4.6角,咁如果市場接受佢10PE,咁佢係米應該值$4.6元或以上呢?!
(2011年7月25日開倉,目的只為自娛和跟老友競賽,絕無推介成份,非誠勿擾!)
十萬元投機倉 開倉恆生指數:22445 | ||||||
股票代號 | 買入價 | 買入股數 | 沽出價 | 沽出股數 | 止蝕價 | 投資金額 |
(25/7)3938 | 0.86 | 20000 | 0.75 | 17300 | ||
(25/7)2222 | 4.17 | 5000 | 4.02 | 20970 | ||
(25/7)1198 | 3.58 | 4000 | NIL | 14420 | ||
(27/7)2222 | 4.1 | 5000 | 20620 | |||
(28/7)1198 | 3.45 | 4000 | 13900 | |||
總投金額$ | 73310 | |||||
可用結餘$ | 12790 | |||||
2011年7月28日星期四
28-7-2011
美股終來一個似樣的下跌,但已開始超賣,今晚好大機會反彈,越近8月2日都未有共識,市場以開始有D不安,不過我還是相信最後關頭都會通過的......今月未平合約只餘3萬幾張,都應該唔洗太出力頂,今日港股會跌幾多呢?真係要睇亞爺比唔比面,希望係最需要佢既時候佢可以發揮功力.....就技術上22200都有幾強的支持,從大戶入左咁多貨都未派出黎睇,應可一守,跌穿機會不大........希望!
10:20 買入210短炒 $8.62
10:44 投機買入1198 $3.45
收市: 哈!哈!今日非常高興,因買期指賺左234點,早幾日已話左大戶造好倉會升1000點,但比老友寸我講就天下無敵,又唔見我坐期指.....咁又的確係,因為當日我發現大戶轉左好倉,又想睇多兩日確認,之後大裂口高開,高追風險太大,自己又衰過所以唔敢買,其實裂口前一日已想買張國指過夜,但真係唔夠擔囉,因為睇錯就會雙輸(現貨,期指),今日終比我一次賺2百幾點,總算有錢請朋友飲花酒,因恆指已冇可能升到25001了.......1198今天續回調,唔理佢,再跌再買,佢回得越深,我就賺佢越金....將來!引用他人名句"一注獨贏買皇朝,成也皇朝,敗也皇朝"......2222還好,兩日內必爆.....210都得,三日內必升.....2357驚喜,睇多兩日OK就買佢......3938唔洗理佢,反正未有消息,重想收貨中,等!
(2011年7月25日開倉,目的只為自娛和跟老友競賽,絕無推介成份,非誠勿擾!)
十萬元投機倉 開倉恆生指數:22445 | ||||||
股票代號 | 買入價 | 買入股數 | 沽出價 | 沽出股數 | 止蝕價 | 投資金額 |
(25/7)3938 | 0.86 | 20000 | 0.75 | 17300 | ||
(25/7)2222 | 4.17 | 5000 | 4.02 | 20970 | ||
(25/7)1198 | 3.58 | 4000 | NIL | 14420 | ||
(27/7)2222 | 4.1 | 5000 | 20620 | |||
(28/7)1198 | 3.45 | 4000 | 13900 | |||
總投金額$ | 73310 | |||||
可用結餘$ | 12790 | |||||
2011年7月27日星期三
27-7-2011
美股續調整,之前升得多,回下係好正常.......港股比較強勢,之前已提過大戶在低位轉左造好倉,只是外圍唔就,唔知係米真有1000點升幅啫.....
09:40 投機買入2222 $4.1 X 5000
10:51 沽清1157 $15.4
11:57 買入856 $2.07
收市: 今日雖話跌市,但其實都係出陽燭,亞爺都有小小功勞,恆指波幅唔夠200點,昨日挾高左,今日就頂住轉倉,得一個悶字......2222今日冇升,很好,比機會我加注,應完成後抽,明天應升.......1198跌唔到$3.45有點可惜,唔知重有冇機會......3938還在收貨中,可以唔理佢......2357今日唔知攪咩升得咁突然,但係又唔升得多,冇咩意義.......今日小注買入856,走勢上已轉強,再跌再加注,本想用投機倉買,但一早已排價1198,所以唔夠錢,都係留返最後一注錢買1198好D.......
(2011年7月25日開倉,目的只為自娛和跟老友競賽,絕無推介成份,非誠勿擾!)
十萬元投機倉 開倉恆生指數:22445 | ||||||
股票代號 | 買入價 | 買入股數 | 沽出價 | 沽出股數 | 止蝕價 | 投資金額 |
(25/7)3938 | 0.86 | 20000 | 0.75 | 17300 | ||
(25/7)2222 | 4.17 | 5000 | 4.02 | 20970 | ||
(25/7)1198 | 3.58 | 4000 | NIL | 14420 | ||
(27/7)2222 | 4.1 | 5000 | 20620 | |||
總投金額$ | 73310 | |||||
可用結餘$ | 26690 | |||||
2011年7月26日星期二
26-7-2011
昨日亞爺因高鐵意外而大跌,美期在日間都大跌超過100點,而港股今次就真係出人意表,只是微跌150點,成交也大幅減少,證明大戶在之前的底位建左唔小好倉......美國國債上限問題市場大部分人都相信在8月2日前會解決,所以在沒有壞消息跟尾下,升大過跌,而最重要都係大戶收左咁多貨,唔炒高點派?.......昨日亞爺出現左小小恐慌性下跌,其實又真係好似過份左,今日理應會反彈,港股今月應有機在22800左右結算.
10:03 買1157 $15.82短炒
收市: 今日大市被內銀挾起,成交好小,真係得個挾字,冇計,要去高位結算,內銀又平又賤,真係進可攻,退可守,唔掃佢掃咩?......2222今日冇升,很好,明日升......1198未爆,等,跌到過$3.45加注.....3938小跌,唔洗理佢,佢就係咁既樣.....1157已去到轉角位,睇下向上定向下,買小小博一博,唔得就清倉.....
(2011年7月25日開倉,目的只為自娛和跟老友競賽,絕無推介成份,非誠勿擾!)
十萬元投機倉 開倉恆生指數:22445 | ||||||
股票代號 | 買入價 | 買入股數 | 沽出價 | 沽出股數 | 止蝕價 | 投資金額 |
(25/7)3938 | 0.86 | 20000 | 0.75 | 17300 | ||
(25/7)2222 | 4.17 | 5000 | 4.02 | 20970 | ||
(25/7)1198 | 3.58 | 4000 | NIL | 14420 | ||
總投金額$ | 52690 | |||||
可用結餘$ | 47310 | |||||
訂閱：
文章 (Atom)