理論(6)

   話明係理論,即係唔係定論,咁就冇必要提出質疑,各人有各人的睇法,我只係冇野寫搵D野黎寫下啫......

    股票市場中的一些經常賺錢的老散戶,佢地未必會懂得技術分析的,佢地炒股全用直覺....呢D市場直覺係要從多年的炒股經驗中獲取的,佢地一定係有好多輸錢經驗,...有D人輸左錢只會怨天由人唔懂得反省,但有些人會從失敗中吸取教訓,從中提升自己的買賣技巧,長期的炒賣便好自然學會一些直覺的本能.....就好似野生動物中,有很多都係用感覺來逃避危險的,呢D人的危機意識好強,一有風吹草動就會閃....當然由於危機意識太強,佢地所落的注碼就唔會多,咁自然又唔會賺得多錢....佢地首要就係唔輸,也懂得唔貪,佢地明白要長賭長勝首先就係要不敗....佢地會感覺到很多東西,但就係唔會明白背後的意義,只要感到有機會時就出手,一唔對路就好快走,長賭都有微利....我打麻雀時就最怕呢D對手,因為當你造大牌時,佢地總會一,兩番就攪掂你,當你頭痛唔入張時,佢地又突然食鋪大牌....呢D就係佢地有打牌經驗囉,佢地未必會識計數,但佢地會從對手的行為感覺到佢地牌靚唔靚,從而製定對策.....

    所以綜合咁多理論黎睇,要係股票市場賺錢,最緊要唔好貪,要有耐性,要運用技術分析,要有危機意識,要用注碼控制風險,要懂得利用群眾心理而逆向思維,要用經驗所得的知識反映到本能身上.......係策略上應要係勝率最高時才入市,但勝率越高,機會就唔會經常出現,就好似等每年一,兩次大跌市,贏面98%,但就唔知幾時出現....所以就要運用少少技術分析來尋找一些勝率超過50%的機率,由於機率小,風險高,所以經常都有,視乎你願唔願意冒險....如果想在兩者中找到中間位,就要比少少耐性,等次一級的下跌,再用技術指標找到比較勝率高的入市位....總之炒股講黎講去都係講勝算,用自己的經驗判斷贏面,再加一D風險管理,根據自己的環境條件和性格,製定一套合適自己的炒賣系統,希望能在股場上賺些少錢.....然而當你炒開股時你便會知道,系統好易製作,睇圖也不難學,最難控制的是心理,所謂技術分析基本好多人都識,大家都係睇同一樣野,賺蝕的分別就係控制心理,所以能做到只看圖表,不放感情,機械式的依系統買賣,是投機最需要訓練的.

   最後有兩點是做投資時要極為注意也極為重要的,就係當你有盈利時就一定要設定止賺止蝕位,盡量唔好比自己由盈轉虧,呢點係江思法則中都有提到,由盈轉虧的痛苦,比一開始時就虧損來得更痛苦百倍....另外就係唔好向下溝貨,炒股講時機,除非你係極度了解某公司同有信心,打算用長線的策略持貨,也除非你係炒股高手,否則,買左即跌理論上入市時機已錯左,理應睇位止血,再向下溝淡即係一錯再錯,將風險放大...強如炒王李佛摩也經常提及溝淡令佢輸過好多好多錢,最後佢只建議有利潤時才溝貨...其實有睇小弟BLOG一段時間的股友都應該知道呢兩點,因為我在最早期的文章已強調呢兩點,我再三強調係再提醒股友小心....(理論(7)已於17/01/2012出左)

13:17   已多天在高位增持,戰區只有400百點,暫看還有上沖勢,但值博率要企穩21000樓上先較高.....內銀是否再度發力成輪動呢?!還要多看幾天.


投資冇必贏,只求勝算高!

目前持股:3988,2357,1198,826,883,2222,698,1688,2342

(2011年7月25日開倉,目的只為自娛和跟老友競賽,絕無推介成份,非誠勿擾!)

十五萬元投機倉 開倉恆生指數:22445						1月$40000
股票代號	買入價	買入股數	沽出價	沽出股數	盈/虧	投資金額
(8/2)1688	9.09	2000				18280
(25/7)1198	3.58	4000				14420
(1/8)2357	4.6	4000				18500
(28/7)1198	3.45	4000				13900
(10/2)2342	5.26	4000				21160
(10/8)826	1.63	10000				16400
(10/8)1198	2.71	2000				5420
					總投金額$	108080
					可用結餘$	33715