畏高??

   最近股市最多人擔心的係除時會回....好多人都畏高,呢個係人之常情,由其當坐左一段時間的股票,家下返左家鄉,好自然想沽貨....相反趺左好多時日的股票,可以跌到自己麻木,檔睇佢唔到,但升時總是提心吊擔.....會升幾多冇人會知,但總會有回頭的一天,現在是考EQ的時候,壓力大的最好減持一D較弱的股票或清一半倉,視乎個人風險....想坐多陣的可睇住20600~21000呢個短炒位,跌破即有機會出現較深的回調,但今年我覺得有機可望24000~27000,原因之前已講左.

    剛剛有朋友問我現在還能入貨嗎?真係唔知點答佢,我反問佢如果呢一刻佢唔入,咁打算幾時先入?佢話等回吐先入喎...咁我又問佢要回幾多先入?回2,3百點先入?咁同家下入有咩分別?回一千點先入?咁可能升多2千點先回1千點咁又點呢?又如果佢一直升咁又會唔會突然改變主意高追呢?條友比左個O樣我睇....我話如果係短炒既,呢一刻破左位就應該入放止蝕,因為短炒就要跟信號,所以我一直都叫人等升破21000先入....如果係中,長線既就更要入,因為有極大可能已進入牛市2期的第3浪....條友話擔心歐債喎...我寸佢咁係米要等咩都明朗哂先入呀?!咁你米再等下囉,到時人人都知道冇事,可能已經係牛3第5浪啦,佢完全唔明股市的特性同有D散戶長期輸錢的原因.....我已多次講出,投資一定有風險,永遠係人人睇好的情況下係出貨唔係入貨時候,想比人賺得多就要冒D風險....嫁啦,唔想有風險就做定期啦.只要有持貨能力,買入優質股驚咩?

   最後我建議佢買3大內銀股,因為如果相信國內經濟重有排好的話,買內銀就即係買國內經濟,最重要係保證唔會收皮,坐十年都冇問題,息口又高(在始聲明,本人持有3988,絕對有利益衝突.).......咁咩時候買?如果長線的話,早就要買,呢一刻都唔遲.....曾經有網友問我3988好唔好沽?當時係3蚊樓下,我叫佢唔好沽,之後到左3蚊又問我好唔好沽,我都係話唔好沽,就算呢一刻問我都係唔沽,因為係---賤賣國有資產.....老實講,香港呢D增長空間有限的銀行仔賣盤都可以賣2,3倍P/B啦....對於內銀股重有大把增長空間,每年平均有25%增長的內銀股,基本上係可以接受18倍的P/E....3988家下P/E7倍.....都冇,P/B只係得1倍左右,沽佢米即係賤賣國有資產??.....如果真係要我沽,可能要等5年,因為以十年一個大週期黎睇,下次高位可能要2017年.....反正又冇第2隻好過佢又安全過佢又令我坐得安心的,沽黎為咩呢??家下全球有的是錢,沽左揸CASH有咩用?只會慢慢失去購買力呢....就單係呢句就明白白股市升咩啦.

投資冇必贏,只求勝算高!

目前持股:3988,2357,1198,826,883,2222,698,1688,82

(2011年7月25日開倉,目的只為自娛和跟老友競賽,絕無推介成份,非誠勿擾!)

十五萬元投機倉 開倉恆生指數:22445						1月$40000
股票代號	買入價	買入股數	沽出價	沽出股數	盈/虧	投資金額
(8/2)1688	9.09	2000				18280
(25/7)1198	3.58	4000				14420
(1/8)2357	4.6	4000				18500
(28/7)1198	3.45	4000				13900
(15/2)82	1.16	10000				11700
(10/8)826	1.63	10000				16400
(10/8)1198	2.71	2000				5420
					總投金額$	98620
					可用結餘$	42895