又有股災??...0_0

   早兩日係媒體度,有位C9問個股評人有關PUT OPTIONS的問題,不過好明顯佢真係咩都唔識,連SHORT PUT OPTIONS係睇好後市都攪錯,經股評人解釋一輪之後,我好肯定個C9唔會比之前清楚好多,但之後佢又問股評人PUT OPTIONS,PUT窩輪,PUT期指同買熊證邊樣賺錢多D...我幾乎想噴飯......當時我有一個好想問的問題,好彩個股評人都有問位C9...股評人:(點解你對呢D咁高風險的衍生公具咁有性趣??睇你都好似唔係幾清楚呢D野,應該唔係玩開喎??)...C9:(哦....因為就快會股災麻,我想學定到時睇下邊種會賺多D米炒邊種囉...),股評人即時的反應係笑左幾聲......

  雖然我唔知個C9邊隻眼睇到或估到快將股災,更唔知佢個股災定義係點為之股災.....不過就我個人理解,起碼由高位計跌超過40%以上先可以稱得上係股災....當然,就我睇果位C9絕對冇咁好分析力可以自行分析,佢一定唔知係邊度聽返黎或同其他C9吹開水得出黎的結果.....可能我年紀細見識少讀書唔多,我從未見過股災會係C9都認為會有股災的情況下發生囉.....相反地只有C9認為一定唔會發生時先會出現囉.....當然,股市升得多就自然會回吐,但只要調整唔超過升幅的50%,其實都係一個正常的調整......

  有人話股市係係人們不安,忐忑,猶豫的情況下上升,當人們樂觀,抱有希望,興奮時下跌...所指的人們應該係指散戶......呢點其實不難理解,因為股票市場上贏錢的都係大戶,大戶要賺錢就一定要逆人們(散戶)的方向而行.....所以當上年11,12月時,市場上有好多人都話大戶派貨中,但當時從多方面睇都係唔多覺,觀點與分析當時已指出(現在也證明了).....當時也一直都講過就算呢一刻重係熊市,反彈也會見21760左右才再試底(現在剛好到價),但我個人比較樂觀,所以現時係牛市睇法不變,今年目標係24000~27000都不變,原因又係之前講左,現在又要等時間來證明對與錯了....當然!世事既野係講唔埋,永遠都會有黑天鵝事件,但分析後市係唔可能連呢D野都計,只能用目前所知的來推測.....風無定,雲無常啊~~

  上星期見到曹SIR話睇大市今年會見24800,可惜佢老人家冇講到用咩來估算,點解唔係25800或26800呢??....不過唔理啦,如果唔用P/E睇,單用頭肩底或大雙底睇都應該最少會見24300~24500左右...信不信就由你啦.



投資冇必贏,只求勝算高!
目前持股:3988,2357,1198,826,883,698,1112,999

(2011年7月25日開倉,目的只為自娛和跟老友競賽,絕無推介成份,非誠勿擾!)

十五萬元投機倉 開倉恆生指數:22445						1月$40000
股票代號	買入價	買入股數	沽出價	沽出股數	盈/虧	投資金額
(22/2)1112	13.5	1000				13600
(23/2)826	1.95	10000				19600
(25/7)1198	3.58	4000				14420
(1/8)2357	4.6	4000				18500
(28/7)1198	3.45	4000				13900
(24/2)999	5.27	4000				21200
(10/8)826	1.63	10000				16400
(10/8)1198	2.71	2000				5420
					總投金額$	123040
					可用結餘$	27295