庄家股

      之前提過庄家或大戶骨水三部曲,這次長細再講下庄家三部曲.

      當庄家睇中一隻股時,可能是知道一些消息或看好公司前景,由於資金關係,他們主要會搵D唔錯的公司,而又市值低又被市場忽略的股仔......第一步就係收貨,先利用一D不利消息打壓股價,例如業績唔好,公司配股等等.直到震走D短炒止蝕貸.......之後就用15%波幅左右抽插橫行,過程中成交真係小到冇晒朋友,再加長時間消磨,令一D冇心機持貨的散戶叫晒救命投晒降沽貸,時間可能係半年至一年.....直到收夠貨或有利好消息為止.這段路便是庄家的成本區,平均買入價都係呢15%左右位置.

       吸飽貨就要炒高派貨,好多時抽高前都會出現最後一震,跟著快速抽離成本區,係快到冇朋友果隻,因為唔想比太多人跟到,由於很多散戶見隻股開頭突然急升好多就不敢追,但升到好高時又會忍不住去買囉.  抽升途中會出現一兩野震倉.....有人會問點解唔一野升到尾而要震倉.....咁係因為拉升中都會有人追買而如果股票日日升D人就會同庄家鬥坐貨到高位鬥出貨......震幾野可以震走短線客和一些之前高位買左貨D散戶,散戶因怕股票又會趺反落去錯失機會而走人,同時減低拉升成本(推升都要用錢).

       抽升到咁上下就會派貨.....派貨都有好幾款,常見是一路升一路派,有時會借消息去到高位,跟住震盪幾天,成交大但股價冇再有明顯升幅,咁就好大機會係派貸.....派完又好快急速下跌,因為庄家都走人重邊有買盤....如果隻股係好股或有D前景可能會有第二個庄入場再玩,但都係從新三部曲......如果唔係就唔知等幾時了.

                                    (以上只是個人見解,不同意都冇辦法)

       上星期尾,內銀出現類似黑天鵝的清理地方融資平台事件.....但講真亞爺係米真係會要內銀承擔損失?就算係我估極其量都係每年唔多覺咁減啫,其實覺得對內銀長線反而應有利.....就好似個身上有個計時炸彈,而家亞爺話幫你搵專家拆左佢,咁米應該係好事來麼?........如果上星期五下跌是因為怕內地會加息,咁無加到今天又會如何呢?

                                  09:32     買入國指     12553

                                  10:05     買入763      $27.3短炒

                                  10:25     止蝕489     $13.04

                                  10:55     沽出國指     12589

                                  13:58      沽出一半2357中線   $4.87

          收市:   大市開市又低開,呢個裂口唔補就大獲,好彩都補回......又去到22800~22400呢D中線買貨區叫做頂得下啦......489,2357按策到價沽出&減持.....其他都整固中,冇咩特別.....