10-6-2011

       昨日慘被朋友"寸",又比老婆鬧....比人寸係因為"第一賤民"被迫止蝕,而友人早於大趺前已沽出,比佢叻返次......比老婆鬧係因為佢驚今個月又冇家用.....洗唔洗呀?!而家先月頭,一萬幾千上落經常有啦,要倒賺有咩難?!........如果個市升的話.....

      美股反彈,對今天港股出陽燭做轉勢信號好有幫助.......美國經濟增長似有若無,美元有排都唔會強,冇QE3都會有QE2PLUS,絕對有利資源股.......883今年盈利將勝舊年.....掂.......1313有亞爺政策護航......好.......煤炭股最近藏態回勇,1898應有力向上......正...........1117在大趺市中更已表明心態,充滿誠意,隱約見到佢身上貼有"派錢"兩字(希望唔好睇錯係"搶錢").......手持呢D股票要返身有咩難?!HAHAHA....以上只是為自己打氣之言,絕無推介成份

             三十功名塵與土,八千里路雲和月....待從頭,收拾舊山河,朝"妻"闕!

       今天再留意868.....建屋唔洗用玻璃咩?PE重平過水泥股,又係行業龍頭,又就快分拆......

                09:52         買入國指12398

                09:53         買入868        $7.2短炒

                10:03        沽出國指12367

                11:11        買入國指12331

                11:30        沽出國指12366

                14:13        買入國指12295

                14:18        沽出國指12326

                14:26        買入國指12320

                14:28        沽出國指12333

    收市:  大市未能如願地開陽燭,重穿埋昨天底位,真係比較弱...好彩收市還企於22400之上,可能大戶還未轉好倉啩.....不過都費時理佢攪咩,夠膽佢趺多三四百點,睇下我點對付佢....HAHA.....昨今入的短炒1898&868都無表現,最慘唔上唔落,攪到唔知點算好,現只好SET止蝕位睇多兩日啦......反而最想佢趺的2357佢又唔趺,唔跌點買呀......現只希望隻隻升得佢跌.....就好啦!....82今日再急趺,到而家都唔知佢跌咩?!只好假設係基金清洗民企股,就順手洗埋佢啦...始終散戶資訊唔及大戶.....3323今天跌破上次低位,險守$14元,可能上次跌得唔夠深,要再震D散貨出來....不過我對佢已無晒FEEL....一心只對1313好.....最近帶領大市下跌的內銀股今天反而冇跌咁多....始終唔係垃圾股...唔通已沽到冇野沽乎?