牛熊證

          原本已打好一篇隨筆,但突然又想到最近不論在電視或聊天區都聽到殺牛二字,於是就想講下牛熊證.首先需要知道牛熊證是庄家發行的搵散戶笨的賺錢工具....點搵笨?

          首先講開價.....如果街貨多的牛熊證還好,但當街貨量小的牛熊證,由於買賣兩閒但庄家又一定要出價,咁就會變成唔貼價,即當你想買時發覺因冇散戶沽盤要買貴三四個價,或當想沽時無散戶出價而要賤賣三四個價......雖則買賣時都要知道庄家會抽水,但有時相差太多就變成搶錢.......雖知道好多人就係只炒十個八個價位,一買一賣蝕左五六個價重賺咩?所以要買賣牛熊證都最好搵街貨重個D......第二搵笨就係有強制收回機制.....美其名為保護投資人唔好輸咁多(R類),但其實係要你突然死亡冇仇報,又唔見有人話殺喎輪?....

           咁點解庄家發行D輪同牛熊證?當然係想賺錢啦.....但佢地話千奇唔好以為佢地賺好多,佢地話只係賺發行時個小小差價同買賣時的一些風險溢價喎.....佢地更話佢地係做足對沖風險,絕對唔會同散戶對賭云云.

           其實需要明白的是,庄家即發行商,佢地都係一些投資銀行,也即市場上的超級大戶,他們的主要戰場是期指,期權&現貨,牛熊證只是一些打開門的正行生意.......雖然我不太清楚投行的運作,但我估他們都是分開部門工作的,即牛熊證一個部門,炒賣期貨一個部門等等,來分開獨立運作的.....

           當牛熊部門發出了一定數量的證出街,自然會買賣期貨做對沖風險.......而炒房只是因應市場和對手再分析前景勝算來作部署.......既然牛熊證做左對沖,咁理論上散戶在牛熊證上賺蝕都唔關庄家事,咁又何來殺牛熊呢?.......

          而我的想法(只是想法),我看牛熊分佈只是想知道散戶對後市的看法,散戶大多企那方向至最重要,因為他們是大戶獵殺的主要對象,散戶的去向直接影響大戶的部署.大行應不會因為想殺牛熊而做好或做淡,至於牛熊證被殺可能只是大戶獵殺對手時做低做高大市的陪葬品.......因為要做高或做低大市來獲厚利,一定要有外圍環境配合,也必須動用很多資金.....單是現貨的交易成本,借貨沽空的成本(大行通常唔會除便沽手上D貨一般都係借貨),還有期貨和期權,更重要是風險........試問點會單單只為殺等價三四千張對沖期指的牛熊證而大做文章呢?........除非佢地根本冇做對沖.但我相信可能性不大.....最多係庄家可能見大市有單邊走勢時,減少一些貼價的對沖盤來獲利啫......基本上我一直唔係幾信大市一定要殺完牛熊先轉勢呢D講法.......囉

           所以我應為殺牛熊只是"果",殺好淡倉至係"因"......."因"為要殺好淡友,結"果"牛熊證變成-----順手"陪葬品".

                            (以上只是個人偏見,沒有事實根據,請勿盡信)

    現時持有股票:

                3988,3938,1361,1157,1117,1898,2357,1198,868,38,883,1313

                      10:12    買入國指12145

                      10:21    沽出國指12166

                      11:54    沽清1898    $10.08

                      14:38    買國指11997

                      14:50    沽國指12009

                      14:04    買國指11967

                      14:10    沽國指11970

                      15:30    沽清1368   $5.24

                      15:30    買入1198   $3.01

        收市:    大市續跌,22000已算正式失手,成交量不多,下一個位便是21600,今天剛好收21600太有意思了,如連續三日收市都低於21600.....那大市更要回到上年起步點19000~22000之間了........今天終於換清1368呢舊瘀血,現只剩下1361了.....今月出現大幅虧損了.....但總算了結一件心事......