突然的感觸

      剛無意中打FB網誌時,看到必勝會的大合照,算一算原來都相識了已有年半.可惜有些人已離開了!!

    當初以為只會間唔中出黎聯誼下,KEEP住KEEP住下就算.....點知家下幾乎個個月都有一,兩次節目.近期由於多左糖果呢位新會員,多左晚9朝5的娛樂,無疑對我呢D步入中年的漢子,身心都會有D壓力,由其係糖果是一名又猜得又飲得的好腳.

    原本同芝芝呢位強勁對手都能少勝一籌,但多左糖果之後,我的確有點點感到吃力....雖然一直都處於睇場身份的小倫子最近都有加入幫手同雙后對壘,無奈小倫子初出茅廬,對呢方面既經驗不足,面對雙后也只能落得慘被蹂躪的下場.....每次當我感到獨力難支的時候,我便會想起----"他".

    係我記憶中,他係一位猜得飲得之人.印象中曾經同佢雙劍合壁,力戰各大高手,都能輕鬆地贏得漂亮......無奈他一聲不響地便離開了,靜靜地竟沒有帶走一片雲彩.必勝會曾經為此深表遺憾,也曾下過一半會旗......但甚也不及我失去了一位戰友般傷心難過,如果他還在的話,相信我們的節目會更多更精彩呢!!

     我曾經為了他的離開而問過街邊的"米婆",米婆教了我一個古老相傳的"西瓜尋人法",不過我冇試過,因為如果係得既,當年五月初五之後,點解會冇人再見過屈原呢??

     但點都好啦,必勝會的出現,還是能帶給我歡愉,只要能KEEP住當前的好會員好朋友,相信日後必勝會會越來越多新會員加入的.....在此也鳴謝各會員朋友不計較小弟沒有優點,更能忍受小弟的缺點,真的非常感激....只要小弟能力財力所及,每次節目都會盡量參與.希望必勝會年年都有聯誼,次次都能齊齊整整.^^