無題

     好似好耐冇打BLOG了,自從開左"必勝會專頁"之後,大多數都係和會友在那邊交流的多,冇計啦,始終果邊比較方便.....冇打一排竟然連題目都諗唔到.

    記得之前提過話自己每個星期都要做一次詳細的功課,但一次都無法做到,主因係太多星期五的會聚了,第二日就冇咩精神,一係又有其他因素又唔得閑.....今日終於有D時間可以做一次較為詳細的功課了.

    先睇痕指走勢,基本上同上月論壇既分析差唔多,而走勢圖也在7月17日的專頁標示左,目前還可以參照,只要注意目前已到反彈目標位,小心風險即可....而腳指走勢明顯
比痕指弱,主因係5仔同QQ走勢強,所以如果做淡宜搵腳指.而東主目前長短倉也只持有內銀,航天機和南方.

    睇左幾個板塊,無疑鐵路股反彈得比較強,但也太急了,即使想買也要等回吐時才買,但國策雖然利好,但也要留意推行的力度和時間表.....如果真有其事,理論上先受惠1186,390,之後才到1766等車廠,最後就係設備相關股,而爛泥股由於受產能影響,價格也有地區性(睇1313就知),而且鐵路基建也只是占經銷的一部分,相信房地產才是比較重要的收入,城鎮化是否大力推行可能先至係重點,而如果睇好爛泥股,個人偏向914比較受惠國策,始終經銷全國,即使係鐵路基建也是全國性的吧,千萬唔好見跌得多就走去買3323,佢有佢弱勢過人的原因,睇佢負債就知.

   國弱呢幾日一D都唔弱,可以多加留意.....豬肉呢排又唔知咩事走勢幾強,不過升唔穿6蚊都唔好睇住,低吸都還可以....早排極之睇好體育股,多月前已推薦隻安踏,而近期轉推薦特步,可惜好似冇咩人有買,呢個唔出奇,連我自己都冇買又點會有人跟?!......但茶實我一直都想買特步,會友都知我早前排左成個星期都入唔到(出價太低),但當市況轉差時,內銀又相對地跌得較急,咁好自然兩者選一下,內銀比我信心度強多啦,畢竟係超大國企麻,所以之前用了餘下的所有資金買入建行同山狗.當然現在已沽出2/3啦.

   另外有一隻經常比我少的股票中國建築,經常想搵機會買,但又買唔到之餘重不停創新高,真係激氣,睇黎我與佢無緣.