情人節;有些東西是特別貴.....所謂禮多人不怪,做情侶拍拖時,對方送得越貴就代表越有心,收的禮物越多就代表自己越貴......但結左婚後一段日子,就會變得物輕情意重,因為基本好多都係行共產家庭主義,對方買得太貴就會感到浪費不值,自己都會有D肉赤,倒不如折現吧.....再過多一段日子,可能大家心中都已另有情人,與其浪費金錢買些花花草草比對方,不如多買些玩具吧,畢竟.....大家的情人可能已變成囝囝和囡囡了.
記得讀小學時,有位同學請過我食一隻名"瑞士蓮"的酒心朱古力,那一刻;我真的深深地喜歡上....果隻朱古力.WOW~~佢香濃的白蘭地味,混合了少少流沙糖加可可的味道,令我一試難忘.....果位同學住得好遠,起碼要行20分鐘的路程,對於一位小學生黎講的確算遠啦,但曾經有段時間我都經常會走去果位同學家.....的樓下,因為佢同我講.....隻"瑞士蓮"係在佢樓下間7仔買既,而我條屋村要到最近十年先開始有便利店出現.
人既口味係會隨住年齡的增長而轉變的.而小朋友對零食的要求也日新月異.....見樹先見林,你總不會相信小學生會對一種零食會天長地久吧?!加上十幾蚊一排的朱古力,對於一個屋村小學生黎講,也不可能長期買得起吧?!.....總算是曾經心愛,雖然過了一段很長的時間,但你有一天也會突然想起兒時所喜歡過的東西,當然會包括零食,就好似突然見到一些事物或日子,就會不其然咁想起一些以為忘記了,但茶實還有印象的東西.....有日我也突然想起酒心朱古力,於是走去7仔想買,點知搵極都冇,又到過OK和三大超市都搵唔到,之後都冇再專程去搵啦.....但有些時候偶然想起,都會順便睇下有冇得賣,但呢一刻....我還未找到.
人麻;有時都幾奇怪,諗起想食時又會去搵下,搵唔到過後又會忘記.....就咁樣不斷重覆又重覆著,始終留在腦海中的依然是那時最美好的味道,如果呢一刻比我重遇......呢隻酒心朱古力,可能會破壞我多年來美好的回味,畢竟!小弟口味跟小學生時已有極大的轉變,遇不見嚐不到.....也可能是一件好事呢!
沒有留言:
發佈留言