所謂完了當然唔係指股市,明顯係小弟完了....個BLOG真的完了,真的不會再打BLOG了.....茶實較早前已好大聲咁話唔想再打BLOG,唔想再講股市,只會定期吹一D風花說月....但後來經朋友指點,話反正我都要經常做功課,何不順便圖文並出,簡單數字介紹一D有機會的個股,又唔會太浪費心神,又可以留住少量讀者....聽落的確有道理,就係咁出現左幾篇"個股分析",但講就好似好易,要將所知的文字化原來又唔係咁易,重要打考多字,又可能會令人睇唔明,但決定左既野又唔想未做先放棄,所以經一輪研究後(其實只係幾分鐘),決定就由"間尺派"開始....對小弟有少少認識的股友都會知道,係家中未有電腦前我就係"格仔黨""間尺派"只不過當年年少,未有深入研究就不了了之......原打算講完一輪間尺畫圖後再講其他分析法,再對比每種分析的命中率好與壞和股友交流研究一番,無奈小弟真的太忙了,年紀又大心身都支持唔到....
較為熟識小弟的股友可能唔信我好忙,但茶實我都係好唔得閑,唔信??且聽我一一道來.....首先晨早起床要花一輪功夫叫醒家中的肥豬仔(小兒),又要買早餐....等佢出左門我自己又要食,又要睇新聞又要做功課,攪得黎個市又話開啦,中午又話要食,食完又覺想訓,訓醒又要睇市,收市又要落樓食杯奶茶,跟住又話要食晚飯,食完又要同肥仔做識量運動,跟住又要同佢對家課或溫書,之後又話夠鐘上床晚睡.....嗚!!!係米好忙呢??!!....當然!係米真係咁忙就見人見志,但最近我突發奇想,想同3~5個知己組織一個研究股市的團隊,因為經過1198的失敗後,發覺每個人都有偏見,主觀同弱點,所以希望有團隊各自進行一部分的研究,再集結,分類,西選和討論,再進行投資,畢竟股票市場有過千隻個股,一個人的力量跟本冇可能進行較廣闊的分析.....想係咁想啫,但要搵有咁上下基本知識和分析的朋友好難,所以目前只搵左兩位對炒股有點熱誠朋友有興趣,但由於佢地基本知識未足,所以目前正構思開一個炒股遊戲,大家就進行模擬的交易,因我相信過程中可以提高佢地操盤技巧,分析能力和心理素質,當有成果後才再考慮會否成立團隊和集資操盤.....所以基本上我係完全冇時間做其他事,而反正已有新的目標,因此決定真的放棄YAHOO了.....可能我還有那麼一點點傲氣吧,要我係"投機倉"處於虧損下結束我就極之唔甘心(最衰都係1198),所以係佢未回復盈利前我點都唔會收檔住....話就話唔再打BLOG啫,但總不成興世隔絕啩!加上我重要為街坊發言,為低下層出頭,為不公的社會抱不平,為中國抵抗外力而勞力,為世世和平而捨命......等等,所以FACEBOOK還是會長開的.
昨天嘆茶時友人比左一位行家的BLOG我睇問我意見,由於正在商討炒股遊戲事兒,所以除便看了一下,對於別人的分析文章我不太感興趣,而自己也只是入門級就更不便評論,因為低劣的不用看,我都算夠屎啦,屎得過我既睇黎都冇意思,而高明的又不會看,因為自己未到果個層次,睇左都唔會明,強行研究就只會走火入魔,出現邊際效益第減....就考似練武之人,基礎功都未打好就想練絕世神功,結果即使自宮也未必成功啦,再說得明一點就係:需要知的我已知,未懂的應該慢慢會懂,不明的可能永遠都不會明.....但我就極力提倡友人要睇陸羽仁先生的BLOG,因為陸SIR帶比我的不是分析,而是資識和訊識,無論我幾忙都好,即使忘記了過後都會追看佢,因為佢可以提供一D平時可能要搵一大輪又未必搵到的資訊,省回很多時間和加強對外的一些資訊,加上佢有時提及的一些重點都好有意思....老實講,依賴別人的分析就不如自己進行分析,因為無論講到天花龍鳳,最後的答案都只係估估下,興其聽人估估下,點解唔自己估呢??就考似你入賭場賭大細,你都唔會傻到問隔離條友下鋪開大定開細而落注啩!!就算條友贏到成枱錢,下一鋪佢落注都又係估估下......但資訊就要多看多找,因為時刻都會更新,而要自行分析就絕不能決少資訊!!
~~全BLOG完~~
目前持股:3988,2357,883,2302,2088,933,386,868,210
Facebook內文要加為好友才能分享,敬請見諒!!如有興趣交流的可到:http://www.facebook.com/poyoko.po
沒有留言:
發佈留言