因呢兩日有事而提早出文....其實要講的之前已講左,已冇咩特別好講,反正目前還是跟之前的分析運行中....有看開小弟BLOG的朋友都知道,由上年尾至今我都小心地看好股市,而我也不時地用我的理論分析來支持我自己的見解...."股市永遠都有人看好和看淡"呢個定律我不時提出,但有一條定律我從未提出過,就係"股市永遠都係少數人賺多數人的錢",呢條定理好多人都知,但好多人都會忘記.....記得上年尾有好多人都看淡大市,認為大市會再跌穿16000的大有人在,更有d傻佬話會跌穿11000點添,當時身邊有好多有買賣股票的人都睇淡後市,原因也只是1.歐債問題和2.歐債問題,再問點解睇淡都係歐債問題...天啊~~係米傻嫁???!!!只係單一個未必會發生的問題便睇到咁淡??.....就係呢D"明燈"令我睇好後市,再加上我多方面而唔係單一的分析,已認為後市已好大機會見左底,所以當時已定左今年目標位,而之後我也不斷提出更多技術和宏觀分析來支持見解....好好彩地在多數人看淡下,股市上升至21760,也好好彩地又比我撞中21760個頂位(可回看舊文),所以上半年我只用我當時還可動用的11萬元左右(其他已蟹左)在頭4個月賺了6萬元左右,都總算對得住自己(可惜一隻個股令我輸左11萬,呢點係我犯左多重錯誤,可以話係抵狗死)....但目標位我一直冇變,因為宏觀大勢未變,但最近市場好多媒體"突然"對後市睇得好好,好多D之前一直看淡或左搖右擺冇咩方向的所謂分析員突然轉哂睇好,呢個時候就要小心了,雖然唔代表後市一定會轉勢,但就要多留意身邊的明燈(唔好睇少佢地既影響力),當真的人人看好時,市場的購買力何來??....但現時圖表上還未有轉勢的味道,而大趨勢也不會咁快轉變,不景還未到瘋狂的時候,但短線就要小心!小心!.....而短線目標位之前兩篇分析已講左,反而現在還可入市嗎??...早兩天向股友推薦的494也在這兩天起步了,真的找不到有咩股是安全的....如果真的要入市一博,2628,2318或358可能還可以一博,但之前低位唔入,家下先入就要知道風險所在....想安全的就只有等大市真正出現回調時才部署一些較有憧憬和較低PE的股吧,而一些高PE和低息率的就最好唔好買,原因就諗下點解會咁高PE,下下講明就冇意思.
目前持股:3988,2357,883,2302,2088,914,358,933,,386,2628
有時有些POST只會係FACEBOOK出現,有興趣既可到果到一遊和交個朋友:http://www.facebook.com/poyoko.po
沒有留言:
發佈留言