用期指對沖

   昨日提過對沖的問題,今天再續......就我個人了解,一般散戶其實係唔識合做對沖,由其係期指,WHY?因為一般需要做對沖的只係基金,其他的只係純粹炒作.......

   由於基金倉位大,除非睇到大市有大幅下潛的風險,如果唔係就唔會輕易沽出手上的現貨,因為咁大量沽出除左交易成本外,都唔方會沽到好價,個中原因可當自己係大戶黎諗下.......而通常對沖都不外乎期指,期權,但一般基金都應係用期指多,因為相對靈活和成交大......用期指對沖首要係手上的現貨和大市同步,基金由於唔想跑輸大市,所以都會手持同等比例的成份股,一般散戶絕對冇可能做到,呢一刻市況如強行做對沖就可能會出現越輸越多的情況,例如你手上持有330,2628如想對沖就會出現指數升而現貨跌的兩邊輸錢情況,當然如你手上持有的是941,2,823等就會出現兩邊都賺錢情況,但係咁就唔叫對沖啦......

   而散戶真係要做到對沖除非手上的全是2800,否則跟本做唔到對沖的效果......我個人兩年前都為左想安全地炒期指而買入一萬股2800,點解係一萬股可以自己計下,但就玩左唔係幾耐就放棄,因為實在有很多問題出現......理論上當大市回吐時SHORT一張期指,到回升時平倉,咁睇中就會現現貨唔駛輸而期指倉金額提高左,就算睇錯市SHORT左後大市續升都有現貨頂住唔駛輸錢,咁理論上係米好安全呢?.......但當我實際操時就會出現很多問題,而問題就係出在"我係人",人最大問題就係情緒和貪念......當我覺得大市已要回吐時SHORT期指而大市續升,個心就會唔舒服,因為本應賺錢而變得冇錢賺,重要睇住其他人賺個下心痛,而當你應為自己睇錯時作出平倉,但往往個市就開始回,咁不但升個下賺唔到,跌個下就食到正一正,你話幾傷?!......就算比你睇中真係下跌,但有時回升時平倉大市又跌你又要SHORT過,到時你又會諗既然覺得個市會跌,點解我唔直接沽出現貨賺更多錢呢?但往往係事與願為........到最後原來直接炒期指好過攪咁多野囉.

   其實散戶比基金強的地方就係操作靈活,呢分鐘買下一分鐘沽,睇淡不如直接沽貨,再沽期指,根本不存在轉身難的問題,而個人覺得對沖的最終目的係鎖定盈利,如果呢一刻做對沖就除時係鎖定損失......如果想用熊證或沽輪做對沖.....咁就唔該吟一句"我笑別人看不見,原來自己係瘋癲"

題外話:大市呢期跌到D人都冇晒FEEL,已有很多人睇淡後市,也沒有再聽到網友話想入市,咁樣我反而比較放心入市,呢D就係偶像的逆水行舟.....大市幾時見底?見左底未?想信冇人會知,但就可以估,用過往經驗和理性分析黎估.....根據歷史,見底時係冇人會知,因為個個都睇淡,更加會出現估神,呢個尊家話會見10000,果個博士話會見12000,情況同見頂時一樣,冇一個估中,通常都係過晒龍.......通常升得多先會跌得多,08年個下跌到11000係因為升到33000,今次只升到25000理論上係唔應該趺到12000,呢D係所謂的鐘擺理論......而以技術分析,由於係大氣候就要用大氣候分析法,如用黃金比率16000左右係重大支持位,用江恩比例15700左右係大位,而15700至16000正係上次熊市回升時大型築底頸線,所以呢個位可以話係鋼一般硬.........而從基本分析一般大市大回吐PE係8倍左右(熊市係5,6倍左右)而現時大市係9倍左右,而個股放面,一般正常市藍籌股PE係12倍,發熱時係18倍以上,發癲時係25倍以上,發冷時7倍左右,發病時4倍左右,當然個別2,3線就會更波動,而睇返3988現時係4倍左右,而佢08年時見過2元樓下見1.7元,但當時資產值每股2.1左右,而現在資產值係2.9左右,現價2.5左右.....883當時見過4.5左右,當時油價冇記錯20元(回看資料係35元)左右,而目前係80元左右,股價現在12元左右.....但唔好忘記當時係超升後的超跌,而環球市況比現在更差,咁呢一刻理論上入市係幾大贏面,如真係跌至16000左右係應該訓身買入添.......咁家下冇錢而之前買左咁點?!.......如以過去十幾年歷史睇,大市3年一小週期,6年一大週,10年一大牛黎睇,如果個股買入平均價係12倍左右,咁3年內應會返家鄉,6年內會有賺50%的一次機會,當然首要係藍籌股同呢3年內盈利冇大幅倒退啦,而個別個股又係會出現扭曲啦....至於高PE時買落的股就等多下囉.


09:40 買入883 $11.9

10:08    留意如即市能見17400左右會否出現強烈反彈

11:27    投機買入2357   $2.27    X   4000

11:51    2357兩三日就跌左30%.....現價2.15...市值43億....問題係佢手上CASH都有50幾億,重要有行業的獨特性,及不可代替的國家地位,和重組概念......現在買會有幾大下跌空間??

12:48    記得開始買3988時,相比起其餘3隻,佢係明顯跌得多過人,但呢幾日開始3988已跌少過人,因為佢PB已去到0.8左右....即係話你用2.5元現價可買入資產值2.9元的銀行股,佢上次大熊市都係跌至PB0.8左右....唔好忘記銀行唔同地產,銀行的資產就係現金,唔會好似地產股咁會因樓價跌而資產減值.....而IMF都預期中國明年GDP增長係9%左右,就算打個折都叫做高增長啦,所以呢刻不存在經濟衰退問題,銀行業盈利就冇可能出現大倒退....

14:55  投機買入2357   $2.01   X   4000
  


目前持股:3988,2357,1198,826,883

(2011年7月25日開倉,目的只為自娛和跟老友競賽,絕無推介成份,非誠勿擾!)

十五萬元投機倉 開倉恆生指數:22445
股票代號	買入價	買入股數	沽出價	沽出股數	止蝕價	投資金額
(26/9)2357	2.27	4000				9160
(4/8)826	1.73	10000				17400
(25/7)1198	3.58	4000				14420
(1/8)2357	4.6	4000				18500
(28/7)1198	3.45	4000				13900
(26/9)2357	2.01	4000				8120
(10/8)826	1.63	10000				16400
(10/8)1198	2.71	2000				5420
(2/9)2357	3.75	4000				15100
					總投金額$	118420
					可用結餘$	15930