致命傷

  昨晚返看呢兩年來的炒股記錄,發覺如以短炒黎睇我係重有盈利,但長線投資就賬面大出血......如果一直有睇我BLOG的網友都會知道,我幾乎每日都會TRADE(最近市況唔好少左),有時唔計期指一日TRADE6,7次都唔奇,我敢講如冇做長線投資,呢一刻我係唔會輸錢,但點解短炒有得賺重要作長線投資呢?呢個就係人性"貪"影響......之前都提過要賺多D錢就要有貪念,要由小貪變大貪,呢個我相信係每個成功投資者必經的歷程,點解?.....假設你有100萬資金作投資,你會唔會滿足於平均每天只賺1,2百呢?開頭你可能會,不過慢慢你會覺得想平均每日賺3,4百,跟住5,6百,跟住...........但短炒由於風險關係,你未必每次會用50萬黎短炒,如只用十幾二十萬黎炒,又善用"三大要訣"(何謂要訣可回看早期隨筆),咁減去交易費平均每天能賺5,6百元已經很好,重要係市況良好的情況下喎......咁好自然會發現餘下的7,8成資金變得多餘,自然會搵投資出路,咁自然會想到長線價值投資.....

  記得大炒家"李費摩"(Livermore)在他的回憶錄中提過佢自己經常訓身短炒,所以佢破產過三次,到最後佢得出股票賺大錢的途徑就係持有賺錢公司的股票,呢點"巴菲特"就做得出色過人.....而睇過咁多成功人士,佢地絕大部分都係價值投資者,我偶像就更係價值+投機型,佢的理念係唔好理其他人點睇,最重要係自點睇,呢點即係要脫離群眾,逆水行舟.......

  正職炒股後第一次作長線投資的便是體育用品股,但果次的致命傷係買入已PE過高的股票,後來慘敗也曾經想過放棄長線投資,但我又知道如果放棄了就永遠只能賺少利而不可能走向小康(何謂小康可回看早期隨筆),所以最終都冇放棄,而最後選擇左3988,3938,2357,1198,883以致最近的826,它們都經過我精心挑選,計過度過,唔係有概念前景就係PE合理而盈利有穩定增長的公司.....但今次致命傷就係時機,雖然話撞正大跌市,但錯估當前形勢就係自己的錯,咁點解唔用"三大要訣"中的止蝕呢?.....咁係因為我提出的要訣係用黎短炒同比新手唔清楚買入股票下跌時唔知點算好而用的,作為價值者,除非公司業績出左問題,否則係唔應該受情緒影響.......就好似我昨日沽清3938咁,雖然蝕左50%(平均價0.83X120000)都要作出止蝕.......呢下冇計,散戶資訊有限,往往要出左業績先知有問題,呢D就係散戶作長線投資的風險,所以選股真係好重要,如果冇信心選股就最好都係跟基金買.....

  近日見有網友想做"對沖",我又想講下我自曾經玩對沖的經驗,不過時間關係(用電腦時間已過),只好留代下次.....


目前持股:3988,2357,1198,826,883

(2011年7月25日開倉,目的只為自娛和跟老友競賽,絕無推介成份,非誠勿擾!)

十五萬元投機倉 開倉恆生指數:22445
股票代號	買入價	買入股數	沽出價	沽出股數	止蝕價	投資金額
(4/8)826	1.73	10000				17400
(25/7)1198	3.58	4000				14420
(1/8)2357	4.6	4000				18500
(28/7)1198	3.45	4000				13900
(10/8)826	1.63	10000				16400
(10/8)1198	2.71	2000				5420
(2/9)2357	3.75	4000				15100
					總投金額$	101140
					可用結餘$	33210