收集

    有朋友問我經常叫人唔好溝淡,點解又見我經常買左個股後下跌都重繼續買云云.

    咁其實我叫呢D叫"收集".......收集和溝淡不同之處在於策略......舉一個例,家父在$45元買入330,佢由一開始的策略就只係買一注,點知330就一直趺,跌到$37元時問我好唔好加注.....咁其實加注係冇咩所謂,只要明白加個注係用黎博反彈,或當係短炒,而再下趺時就要止蝕.....但我知佢老人家係坐貨王,買左又會想坐到有錢賺先會走,所以我叫佢唔好.....呢D我就叫"溝淡".......唔知佢最後有冇溝淡,有就真係祝佢好運.

當我睇中一隻個股時,但可能因市況不明而唔知隻股重會唔會繼續下跌,咁我就會先買一注......假設我最終想持有10000股,我會先買2000試下水溫,如果買左下跌就睇位加注,再跌再買,或回升時加注......總之在特定的價位內加注至10000就停手,之後就定止蝕位.....可以是最低位個注低10%或買入平均價低10%......咁做係唔想冒太大風險,因為一次買足10000股,但股價下跌10%就要止蝕,最慘係可能剛止蝕佢就回升,冇晒防守性......分注收隻又可以唔會錯過心儀的個股,又可以有大D空間防守......但最重要係最終一定要到價止蝕囉.

    但向上溝又唔同,如果一隻個股我原本只打算買10000股,而買入後走勢理想,咁就可以不停加注,雖然會提高成本價,但為左可以賺多D就只有呢個方法,因為你根本唔知隻個股會升到咩位先停......

目前持股:3988,3938,2357,1198,826,883

(2011年7月25日開倉,目的只為自娛和跟老友競賽,絕無推介成份,非誠勿擾!)

十五萬元投機倉 開倉恆生指數:22445
股票代號	買入價	買入股數	沽出價	沽出股數	止蝕價	投資金額
(25/7)3938	0.86	20000				17300
(4/8)826	1.73	10000				17400
(25/7)1198	3.58	4000				14420
(1/8)2357	4.6	4000				18500
(28/7)1198	3.45	4000				13900
(24/8)826	1.36	10000				13700
(1/9)826	1.46	10000				14700
(10/8)826	1.63	10000				16400
(10/8)1198	2.71	2000				5420
(2/9)2357	3.75	4000			3.68	15100
					總投金額$	146840
					可用結餘$	510