亞爺撥起

   E!唔係掘起咩?!...我就覺得用撥起貼切D囉,因為亞爺係幾百年前已經係超級強國,只係近百年因多種原因,又被老佛爺呢件老豬扒攪一攪而攪到不舉....好彩有小平同志妙手回春,加上亞爺又長期食古法中藥,近年終於老馬有火...要令老野回勇真係唔易,睇下世界四大老野其他三件就知,我作為亞爺子孫,都倍覺自豪.

  點解我話亞爺撥起呢?因為意大利要向亞爺抓荔枝囉....自從歐元區成立,D歐洲豬扒就好似嫁入豪門咁洗腳唔抺腳,最慘近年經濟唔好,法,德呢兩位揸FIT人好似唔多想照顧呢D大食豬扒,攪到D大食婆想出外搵老細照顧,家下意大利呢條中女第一個守唔住寡要出外搵人照顧,原本鬼妹就應該搵鬼老照顧,就算唔係都應該搵鬼老D兄弟既...例如美國佬同佢細佬日本,之但係日本由於十幾年前年少氣盛,過於興奮,不懂掌握節奏,出現早洩現象,到家下都起唔到頭,重有冇得醫都唔知,十幾年黎都係依靠D女從事AV淫業來為持生計,最近連亞太社團龍頭個位都被亞爺坐左,點幫?佢大佬美國都出現爆發後的回軟呢個正常現象,就算有女送上門都有心無力啦,更何況只係一件大食中女?!

  呢一點相信意大利都知道,所以只好向亞爺呢位老野伸手囉.咁亞爺又會唔會彩佢呢?...我想信一定會,話晒亞爺剛打低日本做左亞洲社團新任坐館,當然要搵多D女攪靚個場啦,睇佢最近經常外出他國試鐘就知亞爺幾有決心啦...家下話晒意大利都係隔離場D女,過檔就更係想收左黎照顧下的同時又落下歐美社團D面都好呀,雖然話呢件中女都好大食,但亞爺成百年都未撥起過,家下有機會就點都想搵D野發洩同表現D野比其他社團同其他女睇嫁啦,米比D錢佢同佢攪下D出入口生意囉.話晒意女都全屋名牌同靚車,攪得佢HIGH HIGH地,隨時回饋個LV袋同林寶堅尼都係返到啦,呢D就叫"男人有錢就會賤,女人越賤越有錢"...分分鐘越攪越硬,連其他女都話照顧埋,咁個場就會越黎越旺,佢龍頭個位就越坐越安穩,其他老闆見你個場咁多女就自然會幫親囉.....

  其實家下全球老細都心大心細想過黎亞爺呢個場,只係唔知亞爺係軟撥起定硬撥起,同個場安唔安唔全啫....但我就相信亞爺現只係剛起頭,也將會越來越堅挺,問題係多堅挺都會有爆發時,到時就會回軟,就好似日,美兩兄弟咁,呢個係千載不變的自然現象,只係時間持久性問題,呢個就好難講....所以現在就應買入H股作長線投資,等佢爆個下就離場,咁....先叫安全!


09:34   投機沽出826   $1.54  X  10000

09:34   沽出826唔係唔睇好,只係之前買入短炒應即日到價沽清,上日冇沽清已有D後悔,現只保留4注留中長線看2元左右.

10:45   從期指走勢睇,今日未必會跌破19000,如炒牛熊或可少注一博.

11:33   大市連上日低位都跌穿左,短線已冇得炒住啦,只能用長線策略了....

12:37   大市已跌穿上次低位,但睇成交冇出現恐慌性,係米只係大震倉呢?!係米散戶已冇貨可沽呢?!有好多股都再創新低,但見826,2357,3938,819都未穿底,如大市下穿18000時而佢地又冇出現追跌情況,而又想用長線策略入市,咁呢幾隻都可以留意下囉.

14:32   今日期指成交好大,而且一直保持高水....可能係淡友平倉,呢刻千其米造淡,隨時比人挾倉..

目前持股:3988,3938,2357,1198,826,883

(2011年7月25日開倉,目的只為自娛和跟老友競賽,絕無推介成份,非誠勿擾!)

十五萬元投機倉 開倉恆生指數:22445
股票代號	買入價	買入股數	沽出價	沽出股數	止蝕價	投資金額
(25/7)3938	0.86	20000				17300
(4/8)826	1.73	10000				17400
(25/7)1198	3.58	4000				14420
(1/8)2357	4.6	4000				18500
(28/7)1198	3.45	4000				13900
(24/8)826	1.36	10000	1.54	10000
(9/9)3938	0.65	20000				13100
(10/8)826	1.63	10000				16400
(10/8)1198	2.71	2000				5420
(2/9)2357	3.75	4000			3.68	15100
					總投金額$	131540
					可用結餘$	18410